1 Tasaloni’â 4:1 - Bible azumeina

¹ B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

1 Tasaloni’â 4:1 Referans Kwoze

Kolos-sâ 1:10

Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

Hebre-na 13:16

Agi maragi á le djivid’a mi suma á ndjunugi tagi d’uo mi, kayam vama ngat buzu ma hina na ni vama lAlona tam djivid’ina.

Filip-ma 1:9

Vama an tchen Alona kagina ba wana: Ar o magid’a ti zul avogovok zlapa ki wed’a ki wad’ud’a pet mi,

1 Tasaloni’â 3:12

Ar Salad’a mi igi avogovok kur o d’a agi nga lat yam tagid’a zlapa ki suma pet, d’igi ami nga lami kagi na mi.

Filip-ma 3:14

An nga ni ring á ve wurak ka sä akulo d’a Alona mi yï kat yam Jesus Christ-sa.

1 Jean 3:22

Vama lara pî ma ei nga tcheneizina, ei nga feizi abomu, kayam ei nga ngomei vun ma he mama, ei nga lei ahle suma a lum tam djivid’ina mi.

Efes-sâ 4:1

Kayam ndata, an ma dangei ma yam Salad’ina nga ni tchenegi ki so tad’a, ar agi tid’igi ndak yam yi d’a Alona mi yagid’a

2 Korente-na 13:11

B’oziyona, vama arâ, ar agi kagagi lafiya. Ar agi kagagi ni suma ndak memetna, ar agi b’lengêgi hur tagiya, ar agi kagagi ki djib’er ra tud’a, ar agi kagagi ki b’leng nga halasa aduk tagi mi. Hina wani, Alo ma od’a ma b’leng nga halasa mba mi kak ki sed’egiya.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Wana ni mbaktumba hi Job-pa 17:9

Gagazi, sama d’ingêrâ mba mi tchol ngingring kur lovot mamba, sama abom nga mi do tchod’a d’uo na mba mi fad’enga kam kua kam kua.

2 Tasaloni’â 3:1

B’oziyomina, vama arâ, agi tchenegi Alona kami kayam zlad’a hi Salad’id’a ti zul avogovogo, ar suma a suburut d’igi agi suburut na mi.

2 Tasaloni’â 2:1

B’oziyomina, ami nga tchenegi yam mbad’a hi Salad’a Jesus Christ-sa, yam tok meid’a ki sed’emba mi.

Kolos-sâ 2:6

D’igi agi vagi Jesus Christ Salad’a na, ar agi tid’igi zlapa tu ki mamu.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Jean 15:2

Abo ma lara pî ma nga atana, le nga mi vut tuo ni, mam mba mi kam mbeyo. Abo ma nga mi vutna, mam nga mi tchawam abom mbeyo, kayam mi hulong mi vut vut ta kala.

Sawal la giled’a 92:14

Azi ni d’igi agu ma nga ped’a kur gonga hi Ma didina Alo meinid’a na, a nga d’uf kur gulumun mama mi.

1 Tasaloni’â 4:2

Kayam agi wagi vun ma he ma ami hagizi ki simiyê Salad’a Jesus-na.

2 Korente-na 5:9

Kayam ndata, le ami nga kur hliu tad’a, d’oze ami walami ki hliu tad’a pî, ami minimi á lum tam djivid’a yam ahlena pet.

Romê-na 8:8

Suma a nga tit yam minda hi sa mazi ma adjeunid’ina, Alona tam nga d’i lum djivid’a kazi d’i.

Zla d’a d’ogolâ 4:18

Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Hebre-na 13:22

Wani b’oziyona, an nga ni tchenegiya, agi humugi zla d’a giget ndata ki ve tad’a, kayam zla d’a an b’irigizid’a ti nga fiyak ki.

Hebre-na 11:6

Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.

Efes-sâ 5:17

Kayam ndata, ar agi kagagi d’igi suma lilid’a na d’i, wani agi b’ad’agi tagi á wäd’u vama Salad’a mi min ala agi lagiziya na.

Efes-sâ 4:20

Wani agi had’agi nga tita hi Christ-sa ni na d’i.

2 Korente-na 10:1

Ki tchetchemba, an Paul nga ni tchenegi ki lulumad’a, ki hur ma djivina hi Christ-sâ. Suma dingâ a nga dala ata yima an nga adigagina, an ni sama lulumana, wani ata yima an nga adigagi d’uo na, an nga ni dagi zlad’a bei mandarâ.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

1 Korente-na 15:1

B’oziyona, ki tchetchemba, an min gagi humagi yam Zla d’a Djivi d’a an tchagizi walat ta agi vata. He gagazi magid’a nga d’i sira kat ngingring mi.

1 Korente-na 11:23

Wana ni vama an vum abo Salad’a ni hagizina: Salad’a Jesus kur andjege d’a a hum abo sumid’a, mi hlavungôna.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

2 Timote 4:1

An nga ni tcheneng avok Alona, avok Jesus Christ ma mba mi ka sariyad’a yam suma arina yam suma matna ata yima mam mba mba á te leu mambina.

1 Timote 5:21

An nga ni tcheneng avok Alona, avok Jesus Christ, avok malaika suma Alona mazina mi, ang ngom ahle ndazina bei gigrita, bei le yam ma ding kal ma dingâ ba.

Galat-na 6:1

B’oziyona, le sana mi puk kur tchod’a ni, agi suma Muzu’â hAlonina nga mi tagazi lovotina, agi hulongôm kur lovot ta d’ingêra ki lulumad’a. Wani ar nge nge pî adigagi mi gol tam djiviya, ar mi puk kur tcho ndata d’i.

1 Tasaloni’â 5:12

Wani b’oziyomina, ami nga tchenegiya, ar agi gagi yagi kä avok suma a nga le sunda adigagi suma Salad’a mi tinizi avorogi á d’obogi á had’agi mi na.

2 Tasaloni’â 3:13

Wani agi b’oziyomina, ar tagi tchuk lus yam sun nda djivi d’a led’a d’i.

2 Sunda Hamuleinid’a 17:4

Wani mi halî Alona habum ngolona, mi tit ni yam vun mam ma hed’a, mi le nga sun nda Israel suma abo ma norâ a lata d’i.