1 Tasaloni’â 3:2 - Bible azumeina

² Ni kayam ndata ba, ami sunugi sä wiyeina Timote ma sunda hAlona ma yam Zla d’a Djivid’a hi Christ-sina á siragiya, á gigid’egi kur he gagazi magid’a mi,

1 Tasaloni’â 3:2 Referans Kwoze

Filip-ma 1:25

An we woi tetet ala an mba ni kak ki sed’egi pet á ndjunugiya, kayam agi igi avogovogo, agi lagi furîd’a yam he gagazi magid’a mi.

2 Korente-na 8:23

Tit ni ndran ma sunda á ndjunugiya. B’oziyoi suma ding suma a tit ki sed’emina ni suma Tok ka tetenga ti sunuzina. Sum ndazina a nga subur Christ kur sun mazi d’a led’a mi.

2 Korente-na 1:19

Kayam Jesus Christ Alona Gorom ma an ki Silas ki Timote tchagizi walama, mam mi  ki Hawa d’a d’i, wani mam mi  d’a hAlonid’a teteu.

2 Korente-na 1:1

Ni an Paul ma a sunuma hi Jesus Christ-sâ yam minda hAlonid’ina, zlapa ki wiyeina Timote. Ami nga b’irimi mbaktum mba wanda mi agi Toka hAlona d’a nga kur Korente-d’a ki suma hAlona suma avo Akai-na ki zlazi pet mi.

Romê-na 16:21

Timote ndran ma sunda zlapa ki Lusiyus, Jason ki Sosipater suma ala nandjavanu na a gagi depa.

Sunda hi suma a sunuzinid’a 16:5

Kayam ndata, suma toka a nga sira kur he gagazid’a, a nga zul avogovok burâ ki burâ mi.

Sunda hi suma a sunuzinid’a 16:1

Paul mi mba Derbe ki Listre. Sama mi he gagazid’ina mi nga kua, simiyêm ala Timote. Asumî gor ra Juif-fa, ni d’a he gagazid’id’a, wani abumî ma Gre’â.

1 Tasaloni’â 3:13

Hina wani, mba mi siragi ngingring kur lovot ta d’ingêra bei zlad’a kagi ba avok Alona Abui kur bur ma Saleina Jesus mba mi mba zlapa ki malaika mama petna.

Kolos-sâ 4:12

Wiyegina Epafras azongâ hi Jesus Christ-sâ, mi gagi depa. Mi nga mi so tam kur tchen mamba kagiya, kayam agi ndagagi memet á wagi minda hAlonid’a tetet mi.

Kolos-sâ 4:9

An sun sä Onesim, wiyen ma d’engzeng ma an le kam heîna, zlapa ki mamu. Mam mi wiyegina. Azi mba vagi ad’u ahlena pet suma a le ka hina.

Kolos-sâ 1:7

d’igi ndrami ma sunda Epafras ma ami lami kam heîna mi had’agi na. Mam mi ma sun ma d’engzengâ hi Christ-sâ kagiya.

Kolos-sâ 1:1

Ni an Paul ma a sunuma hi Jesus Christ-sâ kur minda hAlonid’a, zlapa ki wiyeina Timote.

2 Korente-na 2:13

Wani tan lan nga djivi d’i, kayam an fe nga wiyeina Tit sä hî d’i. Kayam ndata, an gazi depa, an arazi ni i Maseduwan.

1 Korente-na 4:17

Kayam ndata, an nga ni sunugi sä Timote goron ma an hurun vum heîna, ni ma d’engzengâ yam Salad’a mi. Mam mba mi vagi ad’ud’a yam tit man nda zlapa ki Christ-sa. Tit ndata ni hat ta an nga ni hat suma kur Toka lara ge peta mi.

Sunda hi suma a sunuzinid’a 18:5

Kid’a Silas azi ki Timote a tcholï Maseduwan a mba fumba, Paul mi he tam ata yina pet á tchi wal zlad’a hAlonid’a. Nga mi le glangâsâ mi Juif-fâ ala Jesus ni Mesi.

1 Korente-na 3:10

Yam he d’a hawa d’a Alona mi handjid’a, an le wa sunda d’igi ma d’al ma gäd’u gongina na. Wani ki tchetchemba, sama dingâ nga mi min kad’u. Wani ar nge nge pî, mi gol tam djivi ki min nda mam nga mi min akulo kata.

2 Korente-na 2:12

Kid’a an mba avo Trowas á tchi wal Zla d’a Djivid’a hi Christ-sid’a, Salad’a mi mal lovota avoron á le sunda ngola.

1 Tasaloni’â 3:5

Wani ata yima an ndak á ve tan nduo na, an sunugi sä Timote atogo zak á wäd’u he gagazi magid’a. An le mandarâ ala dam ma lopma Seitan mi lobogi wa. Hina, sun mamid’a ami lat adigagid’a pet mba d’i mbut ni vama hawa na.

2 Tasaloni’â 2:17

mi b’lengêgi hurugiya, mi siragi ngingring á le sunda djivi d’a lara ge pet ki zla d’a djivid’a.