1 Tasaloni’â 3:12 - Bible azumeina

¹² Ar Salad’a mi igi avogovok kur o d’a agi nga lat yam tagid’a zlapa ki suma pet, d’igi ami nga lami kagi na mi.

1 Tasaloni’â 3:12 Referans Kwoze

Filip-ma 1:9

Vama an tchen Alona kagina ba wana: Ar o magid’a ti zul avogovok zlapa ki wed’a ki wad’ud’a pet mi,

Matiye 22:39

Ma mbà ma d’igi mam nana ba wana: Ang le yam ndrangâ d’igi ang tanga na.

1 Tasaloni’â 5:15

Agi gologi tagi djiviya, ar sa mi wurak tchod’a yam ndrat tchod’a d’i, wani agi minigi tagi teteu á le djivid’a aduk tagi ki suma pet mi.

Romê-na 13:8

Agi aragi balâ hi sa kagi d’i, wani ni balâ hi od’ina hol, nala, ar agi lagi yam tagiya. Kayam sama nga mi le yam ndramina, mi nda’î vun gata memet.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

Galat-na 5:22

Wani vuta hi Muzu’â hAlonid’a ni od’a, furîd’a, b’leng nga halasa, ve tad’a, mun kad’a, djivi d’a led’a, d’engzenga,

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

1 Tasaloni’â 2:8

Kayam ami lami kagi heî ami minimi tami ná hagi Zla d’a Djivid’a hAlonid’a hol li, wani ná hagi tami mi. Agi mbud’ugi ni suma ami lami kagi heîna.

2 Pierre 1:7

agi mbud’ugi tagi d’igi Christ na, agi lagi yam b’oziyogi suma kur Christ-sâ, agi lagi od’a yam suma pet mi.

Matiye 7:12

Kayam ndata, ahlena pet suma agi min suma lagizina, agi lazi mi suma dingâ na mi. Wana agi ndagagi ni vun gata hi Moise-sa ki hata hi suma djok vun Alonid’a.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

Wana ni Zla d’a Djivi d’a Luc mi b’irita 17:5

Suma a sunuzina a de mi Salad’a ala: Ang hami he gagazid’a yam ndrata kua.

Sawal la giled’a 115:4

Wani alo mazina, a lazi ni ki kawei ma hapma ki lora; ni sun nda sana mi lat kabomba.

2 Korente-na 9:10

Alo ma handjafâ mi sana á zara mi hum tena mi na, mba mi hagi andjaf ma lara ge pet ma agi minima, mba mi wulum mi, kayam sun magi d’a d’ingêra ti zul avogovogo.