1 Tasaloni’â 3:1 - Bible azumeina

¹ Wani ata yima ami ndagami á ve tami d’uo na, ami djib’eremi ala djivid’a ami kagami Aten ni ami hol.

1 Tasaloni’â 3:1 Referans Kwoze

Sunda hi suma a sunuzinid’a 17:15

Wani suma a tin Paul gak Aten-na a hulongâ. Ata yi máma, Paul mi hazi vuna ala a de mi Silas azi ki Timote á fum atogo zak.

1 Tasaloni’â 3:5

Wani ata yima an ndak á ve tan nduo na, an sunugi sä Timote atogo zak á wäd’u he gagazi magid’a. An le mandarâ ala dam ma lopma Seitan mi lobogi wa. Hina, sun mamid’a ami lat adigagid’a pet mba d’i mbut ni vama hawa na.

1 Tasaloni’â 2:17

B’oziyomina, kayam ami walami ki sed’egi burâ tcha bei wei ir tei kur hliuna, wani nga ni kur djib’era d’i, ami nga b’ad’ami tami heî á wagi iragiya,

2 Korente-na 2:13

Wani tan lan nga djivi d’i, kayam an fe nga wiyeina Tit sä hî d’i. Kayam ndata, an gazi depa, an arazi ni i Maseduwan.

Jeremi 20:9

Le an dala: An min dang zlang ngei d’uo, an min de zlad’a ki simiyêng nguo d’angû ni, gol wani, hurun nga mi ngalan d’igi akud’a na, ti nga d’i ngalan aduk asogonu, an kau á vad’u, an ndak á ve tan nduo mi.

Jeremi 44:22

Ma didina mi ndak á ve tam yam asa’at ta agi lata ki sun nda ndjendje d’a agi lata d’uo mi. Ni kayam ndata ba, ambas magid’a ti mbut vama b’laka, vama atchapma, vama a golom isâ bei fe sama kaka kurâ gak ini wana.

Sunda hi suma a sunuzinid’a 17:16

Kid’a Paul nga mi djubuzi Aten tua d’a, hurum zal ngola heî, kayam mam we azì ma ngol máma mi nga oîd’a ki fileina.