1 Tasaloni’â 2:4 - Bible azumeina

⁴ Alona mi wami ala ami ni suma d’engzeng suma ndak á hami Zla d’a Djivid’a abomina. Kayam ndata, ami nga tchami wala ná le suma tazi djivid’a d’i, wani ná lAlo ma halami hurumina tam djivid’a.

1 Tasaloni’â 2:4 Referans Kwoze

Galat-na 1:10

Na ni ki tchetchemba, an hal lovota á le suma tazi djivid’a d’oze á le Alona tam djivid’a zu? Na ni an hal lovota á le suma tazi djivid’a zu? Le an nga ni le suma tazi djivid’a tua ni, an nazongâ hi Christ-sâ d’i.

Romê-na 8:27

Alo ma mi we hur sumina, mi we djib’era hi Muzu’îd’a, kayam Muzu’â nga mi tchen Alona yam sum mama kur minda hAlonid’a.

Galat-na 2:7

Wani azi wala Alona mi han Zla d’a Djivid’a á tchat walat mandjaf suma dingâ d’igi mi hat mi Pierre á tchat walat mi Juif-fâ na mi.

2 Timote 1:14

Ang ngom hat ta djivi d’a a hangzid’a abonga kad’enga hi Muzuk ma bei tchod’a ba ma nga kaka kurina.

Sawal la giled’a 17:3

Ang fegen wa hurunu, ang golon andjege, ang kugun wa, ang fe nga va atan ndi. Zla man nda ded’a ni tu ki djib’er manda.

Efes-sâ 6:6

Ar agi lagi ni ir suma a lazi tazi djivid’a go d’i, wani agi lagi minda hAlonid’a ki hurugi pet d’igi magumeina hi Christ-sâ na mi.

Wana ni mbaktum mba Paul mi b’irit mi Tit-ta 1:3

Wani ata yima mi ngama, mi nde zla mam mba mi handjid’a woyo. Zla ndata, an nga ni tchat walat yam vun ma hed’a hAlo ma sud’ina.

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

Jeremi 32:19

Angî ma ngolâ kur d’alâ, ma ad’engâ kur sunda mi. Ang irang nga tinda yam tita hi sumid’a á wurak nge nge pî yam tit mamba, yam sun mam mba mi lata mi.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

1 Korente-na 9:17

Le an le ni kur min manda ni, wurak manda nga. Wani le an min le d’uo pî, ni mbeî kan á led’a, kayam me ni sun nda Alona mi handji abon á led’id’a.

Wana ni Zla d’a Djivi d’a Luc mi b’irita 16:11

Kayam ndata, le agi nga d’engzeng yam ndjondjoî d’a bei d’ingêra d’uo ni, sama mba mi hagi ndjondjoî d’a gagazid’a á ngomba ni nge?

Zla d’a d’ogolâ 17:3

Deina ni vama a yor ki kawei ma hapmina, fürâ ni vama a yor ki lorina mi, wani Ma didina ni ma kuk hur sumina.

1 Amuleina 8:39

ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

Ndumba 27:16

Ma didina, angî Alo ma he arid’a mi suma petna; ar ang tin sana yam ablaud’a.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

1 Timote 6:20

Ang Timote, ang ngom ahle suma a hangzi abongâ. Ang hazigang mi djudjun nda hawa yak ka ndjak nga ki he gagazid’a d’uo d’a ki zla d’a tuguyo d’a azi nga yat ala ni ned’a d’a wani ni zla d’a kad’a.

Kolos-sâ 3:22

Agi magumeina, agi humugi zlad’a hi suliyogi suma yam andagad’a ka hina kur ahlena pet. Agi lagi ni ir suma á lazi tazi djivid’a go d’i, wani agi lagi ni ki hurugi pet yam mandarâ hi Salad’ina.

2 Korente-na 5:11

Kayam ami suma nga lami mandara Salad’ina, ami nga halami suma ala a mbut huruziya. Wani Alona wami tetet; an wala agi wami kurugi woi tetet mi.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Sawal la giled’a 44:21

Le ami marami ang Alo mamina woyo, le ami mbud’umi irami ata alo ma dingâ ni,

2 Timote 2:2

Ahle suma ang humuzi avunan avok suma glangâsâ ablaud’ina, ang hahle ndazina abo suma d’engzeng suma a ndak á had’azi mi suma dingîna mi.

2 Korente-na 5:16

Wani ki tchetchemba, ami nga kami ir va d’igi sana na d’i. Ladjï ami kami ni ir Christ d’igi sana na pî, ki tchetchemba, ami nga lami hina d’uo d’a.

1 Korente-na 7:25

Yam zlad’a hi yuguneinid’a, Salad’a mi han nga vuna kazi d’i, wani an nga ni dagi ni djib’er ra kurunda, kayam Salad’a mi wan hohowonu, mi mbud’un ma d’engzengâ.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Wana ni Zla d’a Djivi d’a Luc mi b’irita 12:42

Salad’a mi dum ala: Ni nge nazong ma d’engzeng ma ne ma salama mba mi tinim yam suma avo hatama á b’rawazi tena ata yama ge?

Sawal la giled’a 7:9

Ma didina, ang ka sariyad’a yam andjaf suma; Ma didina, ang le glangâsâ yam d’ingêr manda, yam vama abon dom nga d’uo na mi.

Sawal la giled’a 139:23

Alo mana, ang halan hurunu, ang wumu; ang kugunu, ang we djib’er man nda teteud’a.

2 Korente-na 2:17

Kayam ami nga ni d’igi suma hiu suma a nga mbut abona ki zlad’a hAlonid’ina na d’i. Wani Alona mi sunumi ni mamu, ami nga dami zla d’a irata avorom d’igi azungeîna hi Christ-sâ na.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

2 Amuleina 16:16

Ma ngat buzuna Uri mi lahlena pet suma amulâ Ahas mi hum vuna kazina.