1 Tasaloni’â 2:10 - Bible azumeina

¹⁰ Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.

1 Tasaloni’â 2:10 Referans Kwoze

1 Pierre 5:3

Agi halagi á tagi yam suma Alona mi hagizi abogi á ngombina d’i, wani agi mbud’ugi ni vama simata hades mamina.

1 Tasaloni’â 1:5

Kayam Zla d’a Djivi d’a ami tchagizi walata ni ki zla d’a ded’a go d’i, wani ni kad’enga ki ndjunda hi Muzuk ma bei tchod’a ba nid’a, zlapa ki we d’a gagazid’a hi Zla d’a Djivi ndatid’a mi. Kayam agi wagi ni nana ba, ami tid’imi adigagi á ndjunugi ge.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

2 Timote 3:10

Wani angû, ang we wa hat manda, tit manda, min manda, he gagazi manda, ve ta manda, o manda, rit ta manda,

Sunda hi suma a sunuzinid’a 20:18

Kid’a azi mbaza gevemba, mi dazi ala: Agi tagi wagiya, ni nana ba, an kak adigagi ki dedei d’a an tin asen yam andaga d’a Asi-d’a gak ini ge.

1 Timote 4:12

Ar sa golong is kur azong manga d’i, wani ang mbut ni vama simata mi suma a he gagazid’ina kur zla mang nga ded’a, kur tit manga, kur o manga, kur he gagazi manga, kur d’ingêr mang nga led’a mi.

2 Tasaloni’â 3:7

Kayam agi tagi wagi ala djivid’a agi tid’igi balum asemiya, kayam kak mami d’a adigagid’a ami lami nga azulomba d’i.

1 Tasaloni’â 2:5

Agi wagi ala ami dami nga zla d’a lop vun sa d’oze halami nga lem mba fe beged’a yami tu d’i. Alona ni ma glangâs mamina.

2 Korente-na 11:11

Ni kayam me ge? Ni kayamba an nga ni le kagi d’uo d’a zu? Alona mi wala an nga ni le kagiya.

2 Korente-na 7:2

Ar agi tinigi hurugi kamiya. Ami lami nga vama tcho mi sa d’i, ami b’lagami nga sa d’i, ami hlami nga va hi sa kad’eng nguo mi.

Sunda hi suma a sunuzinid’a 24:16

Kayam ndata, an nga ni b’at tan teteu á kak ki djib’er ra tchod’a kurun avok Alona d’oze avok suma d’uo mi.

Sunda hi suma a sunuzinid’a 20:26

Kayam ndata, an nga ni lagi glangâsâ ini, le sa adigagi ba woyo ni, zla nga kan ndi.

Jeremi 18:20

Na ni a mba hulong tchod’a yam djivid’a zu? Kayam a djugot nga zula kä kan á tchan ndeyo. Ang djib’er yam tchol la an nga tchola avorong á dang zlad’a kazi tala ang b’leng hurung kazi ang lazi djivid’a d’a.

Ndumba 16:15

Moise hurum zal ngola yam zla ndata, mi de mi Ma didina ala: Ang ve he d’a hawa mazid’a abozi d’i. An hle nga va mazi d’i, koro tu pî an ve nga d’i, an lazi nga vama tcho yan tu d’uo mi.

2 Korente-na 11:31

Alona Abu Salad’a Jesus ma suma a nga suburum simiyêm gak didina, mi wala an nga ni ka zla d’i.

2 Korente-na 5:11

Kayam ami suma nga lami mandara Salad’ina, ami nga halami suma ala a mbut huruziya. Wani Alona wami tetet; an wala agi wami kurugi woi tetet mi.

2 Korente-na 4:2

Ami arami sun nda zulo d’a nga ngeid’id’a woyo. Ami tid’imi nga kur lemba á lop suma ki zlad’a hAlonid’a d’i, wani ami nga dami zlad’a hAlonid’a woi ki gagazid’a mi suma avok Alona.

Wana ni Zla d’a Djivi d’a Luc mi b’irita 23:41

Sariya meid’a ni d’ingêr, kayam ei fei ni wuraka yam sun mei d’a led’a, wani sama wana mi le nga tcho d’i.