1 Sunda Hamuleinid’a 7:29 - Bible azumeina

²⁹ Suma hi Manase-na, azì mazi ma nglona ni Bet-Seyan kazì ma nguyuma, Tänak kazì ma nguyuma, Megido kazì ma nguyuma ki Dor kazì ma nguyuma. Wana nazì ma nglo ma andjafâ hi Josef ma Jakob goromina mi kak kuana.

1 Sunda Hamuleinid’a 7:29 Referans Kwoze

Vama ndum mbeina 16:16

Muzuk ma tcho ma hindi máma, mi tok amuleina ata yima a yum ki vun Hebre-na ala Armagedon na na.

Zakari 12:11

Kur bur máma a mba tchi hor ma ngolâ avo Jerusalem d’igi a tchim yam Hadat-Rimon kur hor ra Megido-d’a na.

2 Sunda Hamuleinid’a 35:22

Wani Josiyas nga mi aram bed’em mbi. Mi mbut tam sama dingâ á dur ayîna, mi hum nga zla d’a tcholï avun Alona d’a mi dat mi Neko-d’a d’i, mi i dur ayîna kur hor ra Megido-d’a.

2 Amuleina 23:29

Kur atchogoi mamba, Faron Neko amul ma Ezipte-na mi i ki azigar mama avun alum ma Efrat-na á ndjun amul ma Asiri-na. Wani amulâ Josiyas mi min ndi, mi ngavam vunam á durâ. Kid’a Faron mi wumba, mi tchum Megido.

2 Amuleina 9:27

Kid’a Ahaziya amul ma Juda-na mi we hina d’a, mi zot ringâ, mi i iram abo ma Bet-Hagan-na, wani Jehu nga mi digimu, mi he vuna mi ndrom azigarâ ala a tchum mi. Azi a yed’em kur pus mama ata yima mam nga mi djaka akulo aduk ahina d’a Gur ra go kazì ma Jibleyam-mid’a. Mam ring gak mbaza Megido, mi mit sä kua.

1 Amuleina 9:15

Ni hina ba, Salomon mi tin sun nda ad’enga yam suma a min gong nga kud’ora hi Ma didinid’a ki gong mam mba amula ki yima a yum ala Milo-na ki gulumuna hi Jerusalem-ma ki Hasor ki Megido ki Gezer mi.

1 Amuleina 4:12

Bäna Ahilut goroma ni ma nga yam ambas sa Tänak-kina ki Megido kandaga d’a Bet-Seyan nda pet ta go ki Sartan avok Jisreyel la kä d’a; abot ni ndjaka ki Bet-Seyan ki Abel-Mehola gak ti i avun Jokmeyam;

1 Samuel 31:10

Azi tchuk ahle suma sïna hi Saul-lâ kur gonga halo d’a a yat ala Astarte-d’a, azi b’alam mad’am akulo ata gulumun ma Bet-San-na.

Suma ka sariyad’a 5:19

Amuleina a mba, a dura. Amulei suma Kanan-na a dur suma Täna’â avun mbiyo ma Megido-na. Wani a fe nga va d’oze bege kur ayî mazi ma dur máma d’i.