1 Sunda Hamuleinid’a 29:30 - Bible azumeina

³⁰ a b’ir leu mam mba ted’a ki sun mam mba ndandala kahle suma a kal lei kur atchogoi mamba aduk Israel-lîna d’oze kur leu d’a kur ambasa hi suma dingîd’a pet kä mi.

1 Sunda Hamuleinid’a 29:30 Referans Kwoze

Daniel 4:25

A mba diging ngei aduk suma, ang mba kak aduk ahle suma abageina. A mba hang asuna á ted’a d’igi amuzleina na. Mbad’ï d’a akulod’a mba d’i gangû. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Daniel 4:23

Ang amulâ, ang we malaika ma ndjola mi tcholï akulo mi tchugï asem kä mi dala: Agi kagi agu máma kä woyo, agi kizagam mbeyo, wani agi aram abuwam ki sideyem kä andaga, agi djinim ki kindjing ma kawei ma wurana ki ma kawei ma hleuna kä abagei aduk asuna. Ar mbad’ï d’a akulod’a ti gumu, ar mi tasuna d’igi ahle suma abageina na gak bizad’a kid’iziya.

Daniel 2:21

Ni ma nga mi mbut atchogoid’a kahle suma a nga le kurutna, ni ma nga mi pat amuleina woi yam zlam mazi d’a amula, nga mi tin suma dingâ blangâzina, ni ma nga mi he ned’a mi suma ned’ina, nga mi he wad’ud’a mi suma wad’ud’ina mi.

2 Amuleina 14:28

Sunda hi Jerobowam mba ara kahle suma mi lazina kad’eng mam mba dur ayîna ki hulong nga mi hulong azì ma Damas-sâ ki ma Hamat-na mi Israel-lîd’a, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

2 Amuleina 10:34

Sunda hi Jehu d’a ara kahle suma mi lazina pet kad’eng mam mba dur ayîna, a b’irizi nga kä kur Mbaktum mba de zlad’a yam Sunda hAmulei suma Israel-lîd’a.

1 Sunda Hamuleinid’a 29:29

Sunda hamulâ David ta avoka ki d’a dananda, a b’irit nga kä kur Mbaktumba hi Samuel ma mi wahle suma a nga mbana, kur Mbaktumba hi Natan ma djok vun Alonid’a ki D’a hi Gat ma djok vun Alonid’a mi,

2 Sunda Hamuleinid’a 1:1

Salomon David goroma nga mi sira leu mamba. Ma didina Alo mama mi nga ki sed’emu, mi hlum yam akulo avok suma pet.