1 Sunda Hamuleinid’a 29:22 - Bible azumeina

²² Kur bur máma a te, a tche avok Ma didina ki furîd’a ngola, a tin Salomon David goroma amula yazi á mbàd’a, a vom mbulâ kam avok Ma didina kayam mi tak lovota mi Israel-lâ, a vo mbulâ yam Sadok kayam mi kak ma ngolâ hi suma ngat buzunina mi.

1 Sunda Hamuleinid’a 29:22 Referans Kwoze

1 Sunda Hamuleinid’a 23:1

David mi mbut mamara kikra, mi tin goroma Salomon amula yam Israel-lâ.

1 Amuleina 2:35

Amulâ Salomon mi vrak Benaya balum Jowap yam azigarâ, mi vrak Sadok balum Abiyatar ma ngat buzuna mi.

Buzuk ka Abud’a 24:11

Alona mi le nga suma nglo suma Israel ndazina va d’i. Azi wumu. Bugola, azi të azi tchë.

Ma tchi wala 9:7

Ang i te te mangâ ki furîd’a, ang tche süm guguzlu manga ki hur ma hapma, kayam Alona tam lum djivid’a yam sun manga da’.

Ma tchi wala 8:15

Kayam ndata, an nga ni he ngola mi furîd’a, kayam vama djivi ma yam sana ka hî yam andagad’ina nga d’i. Ni ted’a ki tched’a ki furîd’a hol. Wana ni vama djivi ma ki sed’em kur sun mamba kur bur ma Alona mi humzi yam andagad’a ka hina.

Ma tchi wala 2:24

Vama djivi ma yam sanina ni tala mi te, mi tche, mi le furîd’a yam sun mamba d’a. Wani an wala zla ndata ti tcholï nata Alona.

Nehemi 8:12

Suma pet a i á ted’a á tched’a, a sun hliuna mi suma, a le furîd’a ngola, kayam azi wäd’u zla d’a azi vazizi ad’ut teid’a.

2 Sunda Hamuleinid’a 7:10

Kur bur ma dok mbà yam hindina hi til ma kid’iziyanina, Salomon mi tchuk suma avo hataziya. Azi le furîd’a, tazi lazi djivid’a yam djivi d’a Ma didina mi lat ki David ki Salomon ki mam suma Israel-lîd’a mi.

1 Amuleina 1:31

Ata yi máma Batseba ti grif kä andaga avok amulâ, ti dala: Salana amulâ David, ar va mi lang ngi burâ ki burâ!

Gat ta a hat á mbàd’id’a 12:7

Ni kua kolâ ba, agi ki sum magina mba tagi ahle suma djivi suma Ma didina Alo magina mba mi b’e vunam kagi agi mba fagizi kur sun magi d’a led’ina, agi mba lagi furîd’a kazi mi.

1 Amuleina 1:33

Mi dazi ala: Agi togogi azungeî man suma d’engzengâ, agi hlagi gorona Salomon, agi tinim yam koro ma nda amula, agi igi ki sed’em avun mbiyo ma lau ma Gihon-na.

Ezekiyel 46:10

Ata yima suma a kal krovona, amulâ mi kal krovo mi; ata yima suma a buzuk keina, amulâ mi nde woi ki sed’ezi mi.

Buzuk ka Abud’a 18:12

Jetro Moise akunoma mi yo he d’a hawa d’a ngala ki he d’a hawa d’a ngat buzuna á hed’a mAlona. Aron azi ki suma nglo suma Israel-lâ pet a mba, a te tena ki Moise akunoma avok Alona.

1 Sunda Hamuleinid’a 12:40

Ndrozi sumazi suma hi Isakar-râ ki suma hi Zabulon-na ki suma hi Neftali-na, a mba kahle suma tena ki korona ki djambala ki koro ma akulumei akulumeina kamuzleina mi. A mba kafuta, ades tulum ma sod’a, ades guguzlu d’a sod’a, mbulâ, amuzleina kaho’â ablaud’a, kayam Israel-lâ a nga ki furîd’a ngola heî.