1 Sunda Hamuleinid’a 29:19 - Bible azumeina

¹⁹ Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.

1 Sunda Hamuleinid’a 29:19 Referans Kwoze

Sawal la giled’a 72:1

Ni sawal la gile d’a Salomon mi hlata. Alo mana, ang he d’alâ mamulâ á ka sariyad’a d’igi ang na, ang tak ad’u d’ingêr manga mamulâ goroma mi.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

Jacques 1:17

He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.

1 Sunda Hamuleinid’a 22:14

Wana nahle suma an minizi ata ad’eng manda á min gonga mi Ma didina, nala, lora tonna 3000 ki kawei ma hapma tonna 30.000 zlapa ki kawei ma hleuna ki kawei ma wurana ablaud’a a ndak nga á ndumba d’i. An min aguna kahinad’a mi. Ang mba tchuk kazi kua mi.

Sawal la giled’a 119:80

Ar an kak d’ingêr á tit yam gat manga, kayam an mbut zulona avorong ngi.

1 Sunda Hamuleinid’a 29:18

Ma didina Alona habuyomi ngolo Abraham, Isak ki Jakob-ma, ang ar djib’er ndata ti kak kur sum mangâ burâ ki burâ, ang ar ti kak hina ngingring kang ang mi.

Isai 38:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

Jeremi 30:18

Ma didina mi dala: Gola! An nga ni hulongî agi suma hi Jakob-ma woi kur magomba, an nga ni we hohowa yi magi ma kaka. Azì ma ngolâ a mba minim ata blangâm ma b’lak keina, azì ma amula a mba minim ata blangâm ma adjeuna mi.

2 Amuleina 17:37

Ar agi gagi yagi kä ad’u gat manda, ad’u vun mam ma he ma an b’irigizi kur mbaktumba tetengâ, ar agi tid’igi kazi tala agi lagi mandara alo ma ding nguo d’a.

2 Sunda Hamuleinid’a 6:30

ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

Sawal la giled’a 72:2

Ar mi ka sariyad’a yam sum mangâ ki d’ingêra, yam mang suma hohoud’a ki gagazid’a mi.