1 Sunda Hamuleinid’a 29:15 - Bible azumeina

¹⁵ Ami nakoyogeina avorongû, ami ni suma mbeid’a yam andagad’a avorong d’igi abuyomi ngolo na. Burumi ma yam andagad’a kä hina ni d’igi anguzuna hawa na, ami nga ki hur ma tinda yam kak mamid’a d’i.

1 Sunda Hamuleinid’a 29:15 Referans Kwoze

Sawal la giled’a 144:4

Sana mi ni d’igi fo d’a avun sanid’a na, burumî d’igi angusâ nga mi pret na mi.

Sawal la giled’a 102:11

Kur ayî mangâ ki hur mang ma zal ma gugulu’â, ang hlan gan ndei dei ki sed’engû.

Sunda hi suma hi Levi-nid’a 25:23

Ma didina mi de kua ala: Agi ndak á guzugi andagad’a woi ki irat fafat ti, kayam andagad’a ni manda. Agi avo hatan ni d’igi angoyogeina ki suma kak ki sed’en ndjöna na.

Jacques 4:14

Agi wagi nga vama mba ndjivina d’i. Agi ni me ge? Agi suma d’igi amborogei d’a ti ge ndjö bugola ti b’rau woid’a na na, agi ni me ko ge?

Sawal la giled’a 39:12

Ata yima ang ngop sanina, ang tom yam tcho mamba, ang b’lagam ahligiyem mbei d’igi fotna mi b’lak ahlena na; gagazi, suma pet ni d’igi vama hawa ya’â na. Tchol ndjö

Wana ni mbaktumba hi Job-pa 14:2

Nga mi buzur rei d’igi b’od’a na, mi yak keyo, nga mi kal lei d’igi angusâ na, nga mi kak tatâ d’i.

Sawal la giled’a 119:19

An nakoina yam andagad’a ka hî; ar ang ngeyen vun mang ma hed’a d’i.

Sawal la giled’a 90:9

Burumi nga mi dap pei atogo abo ayî mangâ, bizami ni d’igi djib’er ra sana mi djib’ereta na mi.

Ma tchi wala 6:12

Ni nge ba, mi we vama djivi ma yam sana kid’a mi nga kaka yam andagad’a ka hî kur burum ma mi kal lei d’igi anguzuna na ni nana ge? Ni nge ba, mi ndak á de mi sana yam vama mi le blogom ka hî yam andagad’a ka hina ge?

Ad’u Tinda 47:9

Jakob mi hulong dum ala: Bizan nda tit ta tcha ta’ abo hî tcha ta’ abo hî d’a ni kis yam dok hindi. Bizan ndi kal atogo, ndaka nga kua mi. Ti ndak nga ki bizad’a habuyon ngolo suma a tit d’igi an na na d’i.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.

Ad’u Tinda 23:4

An nangeina adigagiya. Agi han yina adigagi ka hî á tos mad’amanda kua; mi arî mana ki iran fafat.

Ad’u Tinda 28:4

Alona mi b’e vunam kang kandjavang d’igi mi b’e vunam yam Abraham hina, kayam ang te yam andaga d’a ang nga kaka kat angeina wanda d’a Alona hat mi Abraham-mba.

Ad’u Tinda 36:7

Kayam ahle mazina zul ngola, azi ndak á kak ata yima tuna d’i; andaga d’a azi kak kata ndagazi nga yam d’uwar mazina d’i.

1 Sunda Hamuleinid’a 29:14

An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana!

1 Sunda Hamuleinid’a 29:16

Ma didina Alo mamina, ni ang ba, hami ahle suma ndjondjoî suma ami minizi á mining gonga ki simiyêng ma bei tchod’ina pet ni angû. A tcholï natang angû, ahlena pet ni mangâ mi.

Wana ni mbaktumba hi Job-pa 14:10

Wani le sana mi mid’a ni, zlam dap da’. Gagazi, sana mi mid’a, a dok fumî lara d’ei ge?

Ad’u Tinda 21:34

Abraham mi kak ngola yam andaga d’a Filistê-d’a.

Wana ni mbaktumba hi Job-pa 8:9

Kayam ei ni suma kamina, ei wei nga va d’i; bur mei ma yam andagad’ina mi ni d’igi angusâ nga mi pret na mi.

Sawal la giled’a 39:13

Ma didina, ang hum tchen manda hum ngë, ang tin humang hum tchi mana, ang gol tchi man ma hat hurâ tä d’i, kayam an ni sama akoid’a avo hatangû, sama akoid’a d’igi abuyon ngolo na mi.