14 An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana!
He d’a hawa d’a djivid’a ki he d’a hawa d’a ndak memeta pet a tcholï nakulo abo Alo ma le b’od’ina, ni ma bei mbuta ba ma anguzam nga d’i pret tuo mi na.
Suma a le furîd’a yam he d’a hawa d’a a hat kur min mazid’id’a, kayam a hat mi Ma didina ni ki hur ma tuna bei gigrita. Amulâ David pî mi le furîd’a ngola mi.
an kid’ak kei ata djivi manga ki d’engzeng manga pet suma ang lazi ki an azong mangîna. Adjeu an djak alum ma Jurdê-na ni ki totogod’a abonu; ki tchetchemba, an nga kadesâ mbà.
Ahina d’a an tinit akulo kad’ut á ge humba wanda mba d’i mbut ni gonga hAlonid’a. Ahlena pet suma mam mba mi handjina, dogo an mba ni pad’am tu, dogo an mba ni pad’am tu.
ata yi máma na wat, suma nglo suma dok mbà yam fid’ina a grif kä avok mam ma nga kaka yam zlam mba amulina, a kud’or mam ma nga karid’a gak didina. A tchuk avaval mazid’a kä avok zlam mba amula, a dala:
Ami nakoyogeina avorongû, ami ni suma mbeid’a yam andagad’a avorong d’igi abuyomi ngolo na. Burumi ma yam andagad’a kä hina ni d’igi anguzuna hawa na, ami nga ki hur ma tinda yam kak mamid’a d’i.
Bugola, agi lagi vun til ma Pantekot-na á he ngola mi Ma didina Alo magina. Agi mbagi ki he d’a hawa d’a kur min magid’id’a, ngad’a yam b’e vun ma Ma didina Alo magina mba mi b’agizi kagina.
Ma didina Alo mamina, ni ang ba, hami ahle suma ndjondjoî suma ami minizi á mining gonga ki simiyêng ma bei tchod’ina pet ni angû. A tcholï natang angû, ahlena pet ni mangâ mi.