1 Sunda Hamuleinid’a 29:11 - Bible azumeina

¹¹ Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

1 Sunda Hamuleinid’a 29:11 Referans Kwoze

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

1 Timote 1:17

Mam mi Amul ma didin ma bei matna ma bei wuma, Alo ma tu gid’engâ, ni Ma hud’a ki subura ni mamba gak didina. Amin!

Jude 1:25

Mam tu nAlo ma sud’i yam Saleina Jesus Christ-sâ. Subura ki ngola kad’enga ki yam mba ted’a katchogoi d’a kala pet ki d’a tchetchemba ni mamba gak didin. Amin!

Isai 12:4

Kur bur máma agi mba dagi ala: Agi gilegi Ma didina, agi dagi woi yam simiyêmu, agi tagam sun mam mba nglo d’a mam lata woi aduk andjaf suma. Ar agi wagi ala simiyêmî Ma kal papana.

Vama ndum mbeina 11:15

Malaika ma kid’iziyana, mi bu adif mamba. Del la teteng nga tcholï akulod’a ti dala: Ki tchetchemba, ad’eng nga te yam duniyad’id’a ni hi Saleina azi ki Christ mama. Mam mba mi te yam suma gak didin.

Jeremi 27:5

An ni ma landagad’a ki suma kazurei suma a nga yam andagad’ina ki sib’ik man nda kal teglesa ki bigan nda nga zid’a kan akulo zid’a, an nga ni handagad’a mi suma tan lan djivid’a kazina.

Sawal la giled’a 46:10

Nga mi d’el vun ayîna gak avun dabid’a handagad’id’a, nga mi kus yeûd’a kasapa woyo, nga mi ngal pus ma dur ayîna woi mi.

Daniel 4:3

Ahle mam suma yoyouna a kal ngola heî! Sun mam mba atchapa ni sun nda sib’ika! Mam mba mi tamula gak didin, leu mam mba ted’a mba d’i dap puo mi!

Vama ndum mbeina 19:1

Bugol ahle ndazina, an hum del la ngola d’igi dela hablau sumid’a na kur akulod’a, ti dala: Ei gilei Alona! Suta, subura kad’enga ni hAlo meinid’a.

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

Sawal la giled’a 99:1

Ma didina nga mi tamula, ar suma a zlaga! Mi nga kaka aduk tcherebêna, ar andagad’a ti giged’a!

Sawal la giled’a 145:1

Ni sawal la gile d’a David mi hlata. Alo mana, amul mana, an mba ni hang ngola, an mba ni gileng simiyêng teteu gak didin.

Isai 66:1

Ma didina mi dala: Akulod’a ni zlam man nda amula, andagad’a ni vama an tin asen kama. Nandjaf gongâ me ba, agi mba minindji ge? Ni yima lara ba, an mba ni tuk tan kua ge?

Sawal la giled’a 29:4

Dela hi Ma didinid’a nga d’i ngir kä kad’enga ngingir, dela hi Ma didinid’a nga d’i tak subur mamba woyo,

Sawal la giled’a 21:13

Ang mba yed’ezi ki yeû manga. Kayam ndata, azi mba hang huyogozi á ringâ.

Isai 42:5

Alo ma didin ma lakulod’a ma b’engêt teina, Ma bine andagad’a woi kahle suma deî katna, Ma mi he muzuka mi suma kurutna, Ma mi he muzuka mi suma a nga tit kurutna, mi dala:

Sawal la giled’a 97:1

Ma didina nga mi tamula! Ar suma yam andagad’ina pet a ayâ, ar suma yam til la tetengina a le furîd’a mi.

Wana ni mbaktumba hi Job-pa 37:22

B’o d’a nga d’i b’o d’igi lora na d’a, ti tcholï nabo ma norâ; wile d’a lang mandarid’a, ti ngui nga Alona kä.

Sawal la giled’a 104:1

An min gile Ma didina! Ma didina Alo mana, angî ma ngol ma kal teglesâ, angî ma nga ki subura ki b’o d’a ngal wiwilikina.

Sawal la giled’a 98:1

Wana ni sawal la giled’a. Agi gilegi Ma didina ki sawal la awilid’a, kayam mi lahle suma ndandalâ. Mi sut suma ni ki bigam mba ndjufa, ni kabom ma bei le tchod’a ba na mi.

Sawal la giled’a 97:9

Kayam ang Ma didina, angî ma sä akulo ma kal tegles ma yam andagad’a petna, ang kal alona pet akulo mi.

Sawal la giled’a 57:11

kayam o mang nga didinda ti kal gak ti i akulo hur alona, gagazi manga ti kal gak ti i do d’ugula mi.

Sawal la giled’a 57:5

An nga aduk suma tcho suma d’igi azlona na na, azi ni d’igi amburei suma a mut sumina na; siyazi mi ni feta d’igi asapa ki yeûd’a na; sinazi d’i te ni d’igi mbigeu d’a fiyaka na.

1 Samuel 15:29

Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.

Sawal la giled’a 47:9

Ni mam ba, nga mi te yam andjaf suma, mi nga kaka yam zlam mam mba amul la a tinit irat vata.

Nehemi 9:5

Bugola, suma hi Levi-na Josue, Kadamiyel, Bani, Hasapneya, Serebiya, Hodiya, Sebaniya ki Petahiya a dazi ki delezi akulo ala: Agi tchologi akulo! Ar agi gilegi Ma didina Alo magina kur atchogoid’a katchogoid’a gak didin. A de kua ala: Ar ami gileng simiyêng ma subur ma kal lei yam subura ki giled’a petna.

Ad’u Tinda 14:22

Abram mi hulong de mamul ma Sodom-ma ala: An hlabon akulo avok Ma didina Alo ma sä akulo ma kal tegles ma lakulod’a kandagad’ina.

Ad’u Tinda 14:19

Mi b’e vunam yam Abram, mi dala: Alo ma sä akulo ma kal tegles ma lakulod’a kandagad’ina, mi b’e vunam kangû.

Daniel 4:32

A mba diging ngei aduk suma, ang mba kak aduk ahle suma abageina, a mba hang asuna á ted’a d’igi amuzleina na. Ang mba kak hina gak bizad’a kid’iziya, gak ang mba wala Alo ma sä akulo ma kal teglesâ nga mi te yam leu d’a yam andagad’id’a pet, nga mi hat mi sama mam hurum minima.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Daniel 4:30

mi de ki delem akulo ala: Wana ni Babilon nda ngol la an minit yima kaka hamulîna ki sib’ika had’eng manda yam ngol manda ki subur mandid’a d’uo zu?

1 Sunda Hamuleinid’a 29:10

David mi subur Ma didina avok ablaud’a pet ala: Ma didina Alona habumi ngolo Jakob-ma, ang ndak á giled’a kur atchogoi d’a kala ki d’a tchetchemba gak didin.

2 Sunda Hamuleinid’a 20:6

Mi dala: Ma didina Alona habuyomi ngolona, ni ang ba, nAlo ma sä kur akulod’ina, ni ang ba, te yam leud’a handjaf sumid’a pet tuo zu? Ni ang ba, nga kad’enga ki sib’ika d’uo zu? Sama ndak á tchol avorong á durungâ nga d’i!

Sawal la giled’a 89:11

Angî ma tileî suma Ezipte-na kä d’igi sana mi tileî harâ kä na na, ang ndjoî mang suma djangûna woi kad’eng manga.

Daniel 2:20

mi dala: Ar ei lei mersi mAlona kur atchogoi d’a lara ge pet! Kayam ned’a kad’enga a tcholï natamu!

Josue 3:11

Gola! Zanduk ma vun ma djinda hi Ma didin ma Sala andagad’ina mi nga kuana sä mi djak aluma avorogi wana.

Josue 3:13

Ata yima suma ngat buzu suma a nga zi zandu’â hi Ma didin ma Sala andagad’ina a mba tin asezi kä kur alum ma Jurdê-nina, mbiyo alum ma Jurdê-na mba mi wal lei aduk mbà; mbiyo ma tcholï akulo yam ahinad’ina mba mi tchol lei gongzong d’igi dadamana na.

Sawal la giled’a 10:16

Ma didina, angî amulâ burâ ki burâ gak didin; andjaf suma a mba dap pei yam andaga manga.

Sawal la giled’a 57:6

Alo mana, ang tak ngol mang nga kal papad’a woi kur akulod’a, ar subur manga ti b’o woi yam andagad’a pet mi.

Sawal la giled’a 103:19

Ma didina mi tin nga zlam mam mba amula sä akulo, nga mi tamula yam ahlena pet mi.

Sawal la giled’a 145:6

Azi mba de woi yam ad’eng mang nga kal teglesa, an mba ni hulong de woi yam ngol manga mi.