1 Sunda Hamuleinid’a 29:1 - Bible azumeina

¹ Amulâ David mi de mablaud’a suma pet suma a nga ata yi mámina ala: Ni gorona Salomon ba, Alona mi manamu, wani mi ni gogorâ tua, mi ne nga d’uo tua mi, wani sun ndata ti kal ngola heî. Kayam gong nga djif fa a mba minit ndata nga ni mi sa d’i, wani ni mi Ma didina Alona.

1 Sunda Hamuleinid’a 29:1 Referans Kwoze

1 Sunda Hamuleinid’a 22:5

David mi dala: Gorona Salomon mi ni gogorâ tua, mi ne nga d’uo tua mi, wani gong nga a mba minit mi Ma didinid’a, simiyêt mba mi nde yina ki subura yam andagad’a pet. Ni kayam ndata ba, an min minim ahlena kad’u. Ni hina ba, David mi min ahlena ngola avok mat mama.

1 Amuleina 3:7

Ki tchetchemba, Ma didina Alo mana, ni ang ba, vragan amula balum abun David. Wani an ni gogor ma gorâ tua, an ndak nga á le sun ndata d’i.

2 Sunda Hamuleinid’a 13:7

Suma yazi nga d’uo suma hawa ya’â a tok ad’umu, a kus yam Robowam Salomon goroma, kayam Robowam mi ni gogorâ bei ned’a, mi ndak á tchol avorozi ngingring ngi.

Zla d’a d’ogolâ 4:3

Adjeu an ni gor ma abun le kan heîna, an ni ma gor ma abo asun van tuna.

1 Sunda Hamuleinid’a 29:19

Ang he gorona Salomon hur ma djivina á ngom vun ma he mangâ ki gat mang nga tetenga á tit kaziya, á min gong nga an ni min ahlena pet kata mi.

1 Sunda Hamuleinid’a 28:10

Ki tchetchemba, ang wala Ma didina mi manang wa, kayambala ang minim gong nga mba d’i mbut ni yima a tinim iram vama d’a. Ang ve tang ad’enga, ang le sunda mi.

1 Sunda Hamuleinid’a 28:8

Ki tchetchemba, avok Israel-lâ, avok ablaud’a hi Ma didinid’a, avok Alo mei ma tin humam yam zla magid’ina, agi tid’igi yam vun ma he mama pet, agi ngomogizi kurugi mi, kayam agi kagagi yam ambas sa djivi ndata, kayam agi arat djona mi grogi suma blogogina gak didin mi.

1 Sunda Hamuleinid’a 28:1

David mi tok suma avok Israel-lîna pet avo Jerusalem, nala, suma avok nadjavazina, suma avok adesâ hi azigar suma a le sunda hamulîna, suma avok azigar suma dudubuna, suma avok azigar suma kikisâ, suma avok suma a gol ahle suma djivina hamulâ ki d’uwar mama ki ma hi gromina, suma ngom aropma, grangâ ki suma gangrangâ mi.

2 Samuel 3:39

An namulâ pî ni, namangeîd’a tua. Sum ndazina Seruya grotna, azi ad’enga kalanu. Ar Ma didina mi wurak sama tcho máma ndak yam tcho mam mba mi lata.

Jeremi 30:18

Ma didina mi dala: Gola! An nga ni hulongî agi suma hi Jakob-ma woi kur magomba, an nga ni we hohowa yi magi ma kaka. Azì ma ngolâ a mba minim ata blangâm ma b’lak keina, azì ma amula a mba minim ata blangâm ma adjeuna mi.

1 Amuleina 1:20

Ki tchetchemba, salana amulâ, Israel-lâ pet nga b’at tazi ala ang dazi woi yam sama mba mi vrak blangâng amula na.

1 Sunda Hamuleinid’a 22:2

David mi he vuna ala a togï angoyogei suma a nga kaka yam ambas sa Israel-lina, mi he sunda mi suma tchet ahinad’a ala a tchet ahinad’a á min gong nga kud’ora hAlonid’a mi.

2 Sunda Hamuleinid’a 1:2

Salomon mi yi Israel-lâ pet, nala, azigar suma nglo suma avok azigar suma dudubuna, suma avok azigar suma kikisâ, suma ka sariyad’a, suma nglo suma avok Israel-lâ pet ki suma avok sum mazinina mi.