1 Sunda Hamuleinid’a 28:21 - Bible azumeina

²¹ Gola! Ades suma ngat buzuna kades suma hi Levi-na a nga ki sed’eng á le sun nda lara ge pet ta nga kur gong nga kud’ora hAlonid’a. Suma d’alâ pet, suma le sun nda lara ge kur min mazid’ina, suma avok suma ki suma pet suma hum vuna kablaud’a hi sumid’a pet a mba tit ni yam vun mang ma hed’a mi.

1 Sunda Hamuleinid’a 28:21 Referans Kwoze

Wana ni mbaktum mba Paul mi b’irit mi Tit-ta 3:1

Ang gazi humazi a ge yazi kä ad’u suma te yamba ki suma ad’enga, a humuziya, a min tazi á le sun nda djivi d’a lara ge pet.

Romê-na 13:1

Ar suma pet a ge yazi kä ad’u suma te yamba, kayam te yamba bei tcholï ata Alonid’a nga d’i. Alona tamba mi tin suma te yamba ni mamu.

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

1 Sunda Hamuleinid’a 28:13

Mi hum mbaktum mba mi ndum kadesâ hi suma ngat buzunid’a ki d’a mi ndum kadesâ hi suma hi Levi-nid’a ki d’a mi ndum ki sun nda lara ge d’a a lat kur gong nga kud’ora hi Ma didinid’id’a ki d’a mi ndum kahle suma a le ki sunda kur gong ndatid’a.

Buzuk ka Abud’a 35:25

Arop suma d’alâ pet a tchil baru d’a botlozid’a ki d’a hleu d’a sisila ki d’a hleu d’a kekenga ki d’a luluî d’a lalavata, a mba ki sed’eziya.

Buzuk ka Abud’a 31:3

An oyôm wa ki Muzuk mana ki ned’a ki d’alâ ki wad’ud’a yam sun nda lara ge pet

Buzuk ka Abud’a 36:1

Besalel, Oholiyap ki suma d’al suma Ma didina mi hazi ned’a ki d’alâ á le sun nda lara ge d’a hi zlub’u d’a kud’orina, a nde le sunda d’igi Ma didina mi he vuna na.

Buzuk ka Abud’a 36:2

Moise mi yi Besalel, Oholiyap ki suma d’alâ pet suma Ma didina mi hazi d’alâ pet suma a tin huruzi á le sun ndatina.

1 Sunda Hamuleinid’a 26:26

Selomit ki b’oziyoma ni suma a tinizi á ngom ahlena pet suma amulâ David ki suma avok sum mazinina ki suma avok azigar suma dudubuna ki suma avok azigar suma kikisâ ki suma nglo suma avok azigar suma dingîna a tinizi irazi vazi mAlonina.