1 Sunda Hamuleinid’a 24:1 - Bible azumeina

¹ A tin andjafâ hi Aron-na ad’u adesâ teng teng. Aron groma ni fid’i, Nadap, Abihu, Elazar ki Itamar.

1 Sunda Hamuleinid’a 24:1 Referans Kwoze

Buzuk ka Abud’a 6:23

Aron mi ve Eliseba Aminadap gorom mba Nason wiyembid’a. Ti vud’um Nadap, Abihu, Elazar ki Itamar.

1 Sunda Hamuleinid’a 23:6

David mi wal suma hi Levi-na kä ad’u adezezi teng teng, nala, suma hi Gerson-na, suma hi Kehat-na ki suma hi Merari-na mi.

Ndumba 26:60

Aron mi vut grona ni fid’i, nala, Nadap, Abihu, Elazar ki Itamar.

Ndumba 3:2

Wana ni simiyê Aron groma: Ma ngolâ a yum ala Nadap; b’oziyoma ni Abihu, Elazar ki Itamar.

1 Sunda Hamuleinid’a 6:3

Amram groma ba wana: Aron, Moise ki Miriyam. Aron groma ba wana: Nadap, Abihu, Elazar ki Itamar.

Buzuk ka Abud’a 28:1

Ma didina mi de kua ala: Moise, ang yoï wiyengâ Aron azi ki groma, Nadap, Abihu, Elazar ki Itamar woi geveng aduk Israel-lâ, kayam azi lan sun nda ngat buzuna.

1 Sunda Hamuleinid’a 28:13

Mi hum mbaktum mba mi ndum kadesâ hi suma ngat buzunid’a ki d’a mi ndum kadesâ hi suma hi Levi-nid’a ki d’a mi ndum ki sun nda lara ge d’a a lat kur gong nga kud’ora hi Ma didinid’id’a ki d’a mi ndum kahle suma a le ki sunda kur gong ndatid’a.

2 Sunda Hamuleinid’a 5:11

Suma ngat buzuna pet suma a nga ata yi mámina, a buzuk kei ata yima a tinim iram vama. Sum ndazina pet a mbut ni tazi yed’et avok bei tit yam nguid’a hades mazinid’a.

2 Sunda Hamuleinid’a 8:14

Mi tinizi d’igi abum David mi tin suma ngat buzuna adesâ teteng kur sun mazid’a na. Mi tin suma hi Levi-na kur sun mazid’a á gile Ma didina, á le sun mazid’a avok suma ngat buzuna d’igi a he vuna á lat burâ ki burâ na. Mi tin suma ngom vun agre’â a i avun agre’â ad’u ades mazina ad’u ades mazina d’igi David sana hAlonina mi he vuna na mi.

2 Sunda Hamuleinid’a 23:8

Suma hi Levi-na ki suma Juda-na pet a lahle suma ma ngat buzuna Jehojada mi hazi vuna kazina. Azi nge nge pî, mi yo sum mama, suma a kal á le sunda kur bur ma sabatnina ki suma sun mazid’a dap kur bur ma sabatnina mi, kayam ma ngat buzuna Jehojada mi he nga vuna mades tu á tuk tam mbi.

2 Sunda Hamuleinid’a 31:2

Ezekiyas mi tin suma ngat buzuna ki suma hi Levi-na ad’u adezezi ad’u adezeziya, nge nge pî, kur sun mamba, suma ngat buzuna ki suma hi Levi-na, á he he d’a hawa d’a ngala ki d’a ngat buzu d’a zlap darigïd’a, á le sunda, á le mersi, á gile Ma didina, á suburum avun agre’â hi kang mamina mi.

Esdras 6:18

A tin suma ngat buzuna ki suma hi Levi-na ad’u adezezi ad’u adezezi á le sunda hAlonid’a avo Jerusalem d’igi a b’ir kur gata hi Moise-sa na.

Ndumba 3:4

Nadap azi ki Abihu a bo woi avok Ma didina, ata yima a mba kaku d’a dinga avorom hur ful ma Sinai-nina; a vut nga gro d’i. Elazar azi ki Itamar a ar á le sun nda ngat buzuna avok abuzi Aron.

1 Sunda Hamuleinid’a 6:34

Elkana, Jeroham, Eliyel, Towa,

Esdras 7:5

Abisuwa, Fines, Elazar ki ma ngol ma ngat buzuna Aron, azi pet ni Esdras abuyom ngolo.