1 Sunda Hamuleinid’a 23:31 - Bible azumeina

³¹ á hahle suma ngat buzu suma ngala pet mi Ma didina kur bur ma sabatna, kur deîd’a hi tilîd’a, kur vun til ma lara ge ma a ngam ma azi nga ge yazi kä ad’um teteuna.

1 Sunda Hamuleinid’a 23:31 Referans Kwoze

Ndumba 10:10

Kur bur magi ma furîd’a, kur vun til magi ma tetengâ d’oze kur deîd’a hi tilîd’a, agi bugi adifa ata yima agi hagi ahle suma ngat buzu suma ngala kahle suma ngat buzu suma zlap darigïd’ina. Hina wani, an Ma didina Alo magina mba ni djib’er kagiya. An ni Ma didina Alo magina.

Sunda hi suma hi Levi-nid’a 23:39

Kur bur ma dogo yam vahlâ hi til ma kid’iziyanina, fata agi dud’ugi ahle suma agi zumuzi yam ambasina, agi lagi vun tilâ á kud’uron an Ma didina gak burâ kid’iziya. Bur ma avo’â mba mi mbut ni bur ma tuk tad’a, bur ma klavandi ma bugol vun tilîna ni bur ma sabat ma tuk tad’a mi.

Sunda hi suma hi Levi-nid’a 23:24

Ang i de mi Israel-lâ ala: Kur bur ma avo’â hi til ma kid’iziyanina, ni bur ma agi mba lagi vun tilâ kuana, ni bur ma agi mba gagi humba kadif fa bud’a kuana mi. Ni tok ka a tinit irat vat á kud’uronda.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.

2 Amuleina 4:23

Ndjuvut mi dat ala: Ni kayam me ba, ndak i avo hatam ini ge? Ini nga ni bur ma vun tilâ d’oze ni bur ma sabatna d’uo. Wani ti hulong dum ala: Ang djib’er ri!

1 Sunda Hamuleinid’a 23:30

A nga tchola yorogo ki fladege burâ ki burâ á subur Ma didina, á gilemu,

2 Sunda Hamuleinid’a 24:14

Kid’a abozi mi dap mindid’a, a mba ki beged’a ad’ut ta ara mamulâ azi ki Jehojada. A min kahle suma sunda kur gong nga kud’ora kahle suma a kud’or ki na, kahle suma a ngal kahle suma ngat buzunina, ki kopma ki duguyo suma lora ki duguyo suma a lazi ki kawei ma hapmina mi. Kid’a Jehojada mi nga ki iramba, a nga hahle suma ngat buzu suma ngala burâ ki burâ kur gonga hi Ma didinid’a.