1 Sunda Hamuleinid’a 22:16 - Bible azumeina

¹⁶ Lora, kawei ma hapma, kawei ma hleuna ki kawei ma wurana, a ndak á ndumba d’i. Ang tchola, ang le sunda ki sed’eziya! Ar Ma didina mi kak ki sed’eng mi!

1 Sunda Hamuleinid’a 22:16 Referans Kwoze

1 Sunda Hamuleinid’a 22:11

Ki tchetchemba, gorona, ar Ma didina mi kak ki sed’engû, mi lang djivid’a. Ar ang min gonga mi Ma didina Alo mangâ d’igi mi hlan vunam kang na.

Filip-ma 4:13

An ndak á lahlena pet yam ad’eng nga Christ mi handjid’a.

Efes-sâ 5:14

kayam b’od’a nga d’i ndahlena woi pet pid’agï. Kayam ndata, suma hiuna a dala: Ang ma bur senina, ang zlid’a, ang tchol lei aduk suma matna. Hina wani, Christ mba mi b’o woi kangû.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Josue 7:10

Ma didina mi de mi Josue ala: Ni kayam me ba, ang ge tang kä andaga ge? Ang tchol akulo!

Josue 1:9

Ni an ba ni hang vuna d’uo zu? Ang ve tang ad’enga, ang so tangû, ang le mandar ri, ang ar vunadigang pat tuo mi. Kayam an Ma didina Alo mangâ ni nga ki sed’eng ata yima lara ge pet ma ang mba i kuana.

Josue 1:5

Ata yima ang nga ki irang yam andagad’ina, sama mba mi tchol avorongâ nga d’i, kayam an nga ki sed’eng d’igi an nga ki Moise adjeu na. An mba ni arang vang ngi, an mba ni arang ngei d’uo mi.

1 Sunda Hamuleinid’a 22:14

Wana nahle suma an minizi ata ad’eng manda á min gonga mi Ma didina, nala, lora tonna 3000 ki kawei ma hapma tonna 30.000 zlapa ki kawei ma hleuna ki kawei ma wurana ablaud’a a ndak nga á ndumba d’i. An min aguna kahinad’a mi. Ang mba tchuk kazi kua mi.

1 Sunda Hamuleinid’a 22:3

David mi min kaweina ablaud’a á min pondena yam vun gongîyona zlapa ki kawei ma vunam gundina, mi tok kawei ma hleuna ablaud’a mi ndak á ndumba d’i,

1 Samuel 20:13

ar Ma didina mi mban ndak ka ngol la kala kanu. Le ba abun nga hurum á lang tchod’a ni, an mba ni dangû, an arang ang iya, kayam ang i ki halasa. Ar Ma didina mi kak ki sed’eng d’igi mi kak kabun na mi.

1 Samuel 17:37

David mi de kua ala: Ma didin ma prud’un ndei avun lilif azlona ki ursîna mba mi prud’un ndei abo ma Filistê máma ni hina mi. Saul mi hulong dum ala: Ang iya; ar Ma didina mi ndjunungû.

Suma ka sariyad’a 4:14

Ata yi máma Debora ti de mi Barak ala: Ang tchol iya! Gola! Bur ma inina ni bur ma Ma didina mi hang Sisera abongâ; Ma didina nga mi tit avorongû! Barak mi tchuk asem kä woi yam ahina d’a Tabor-ra ki suma 10.000 blogom mi.

Josue 1:2

Azong mana Moise mi mit da’. Ki tchetchemba, ang tchol akulo, ang i djak alum ma Jurdê ma wana, ang ki sum ndazina pet, agi igi yam ambas sa an nga ni hat mi Israel-lîd’a.

2 Sunda Hamuleinid’a 20:17

Ni agi ba, mba durugi ayîna d’i. Agi minigi tagiya, agi i tchologi hina en, agi mba wagi sut ta an mba ni sud’ugid’a. Agi suma Juda-na ki suma Jerusalem-ma, agi lagi mandar ri, ar tagi tchuk lus suo mi! Ndjivin agi i ngavaziya, an mba ni i ki sed’egi mi!

1 Sunda Hamuleinid’a 22:15

Ang nga ki suma sunda ablaud’a, suma tchet ahinad’a suma a we á le sunda kahinad’a kaguna heîna ki suma d’al suma le sun nda lara ge petna mi.

1 Amuleina 2:2

An nga ni mit ni mid’a. Wani ang ve tang ad’enga, ang ka’î mandjufâ.

1 Amuleina 7:47

Salomon mi tchuguzi kur gong nga kud’ora hi Ma didinid’a bei mi hlaneka hi kawei ma hleu ma a yorom máma ba, kayam ti kal ablaud’a heî á wed’a.

1 Sunda Hamuleinid’a 28:10

Ki tchetchemba, ang wala Ma didina mi manang wa, kayambala ang minim gong nga mba d’i mbut ni yima a tinim iram vama d’a. Ang ve tang ad’enga, ang le sunda mi.

1 Sunda Hamuleinid’a 29:2

An he tan kad’engên pet á min ahlena yam gong nga kud’ora hAlo manid’a, nala, lora ngad’a yam ahle suma a mba lazi ki lorina, kawei ma hapma ngad’a yam ahle suma a mba lazi ki kawei ma hapmina, kawei ma hleuna ngad’a yam ahle suma a mba lazi ki kawei ma hleunina, kawei ma wurana ngad’a yam ahle suma a mba lazi ki kawei ma wuranina, aguna ngad’a yam ahle suma a mba lazi kagunina kahina onisa kahina d’a a dugut yat kä kahlenid’a kahina d’a ngal wiwilika kahina d’a d’udjo mata tetenga kahina d’a guzut kal tegles sa tetenga kahina d’a a yat ala marbre d’a hapa ablaud’a mi.

2 Sunda Hamuleinid’a 1:1

Salomon David goroma nga mi sira leu mamba. Ma didina Alo mama mi nga ki sed’emu, mi hlum yam akulo avok suma pet.