1 Sunda Hamuleinid’a 21:30 - Bible azumeina

³⁰ David mi ndak á i á tchen Alona kua d’i, kayam nga mi le mandarâ abo mbigeu d’a fiyaka hi malaikana hi Ma didininid’a.

1 Sunda Hamuleinid’a 21:30 Referans Kwoze

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Vama ndum mbeina 1:17

Ata yima an wuma, an puk kä asem d’igi sama matna na, wani mi tin abom ma ndjufâ kanu, mi dan ala: Ang le mandar ri; ni an Ma avo’â, ni an Ma danana.

Jeremi 10:7

Angî amulâ handjaf sumina. Ni nge ba, mi lang ang mandarang nguo ge? Ang ndaga sana mi lang mandarangû, kayam aduk suma ned’a handjaf sumina pet, kur leu mazid’a pet mi, sama mi hle tam d’igi ang na na nga d’i.

Jeremi 5:22

Ma didina mi de kua ala: Agi nga lan mandaran nduo zu? Agi nga zlagagi avoron nduo zu? An ni ma he alum ma ngolâ lesâ á haga d’a didindina. Mam ndak á tchila kat tuo mi. Abil mama nga mi sulula, wani mi nga kad’enga á kal lei kat ti, nga mi le abilâ guguzlubut, wani nga mi tchila woi kat tuo mi.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 90:11

Ni nge ba, mi wad’enga hi hur mang ma zalid’a ge? Sama mi ringîng mandarangâ, ni mam ba, mi wayî mang ma djulula.

Wana ni mbaktumba hi Job-pa 23:15

Ni kayam ndata ba, vunadigan ndi pat avoromu; ata yima an djib’er kama, an nga ni lum mandaramu.

Wana ni mbaktumba hi Job-pa 21:6

Ata yima an nga ni djib’er yam ahle suma a mba kana, vunadigan pat fek, an nga ni zlak mi.

Wana ni mbaktumba hi Job-pa 13:21

Ang hlabong ma nga mi tchan anekina woi kanu, ar mandarang mi pad’an vunadigan ndi.

1 Sunda Hamuleinid’a 21:16

David mi hle iram akulo, mi we malaikana hi Ma didinina, mi nga tchola aduk andagad’a kakulod’a, mbigeu d’a fiyaka nga pata woi abomu, mi mbut iram yam azì ma Jerusalem-ma. Ata yi máma David ki suma nglo suma a tchuk baru d’a dodora atazina, a grif kä ki irazi andaga.

1 Sunda Hamuleinid’a 13:12

Kur bur máma David mi le mandara Alona, mi dala: Ni nana ba, an mba ni kal zandu’â hAlonina avo hatan nge?

2 Samuel 6:9

Kur bur máma David mi le mandara Ma didina, mi dala: Ni nana ba, zandu’â hi Ma didinina mba mi kal avo hatan nge?

Gat ta a hat á mbàd’id’a 10:12

Moise mi de kua ala: Israel-lâ, ki tchetchemba, Ma didina Alo magina mi min ni me atagi ge? Mi min ala agi lum mandaramu, agi tid’igi kur lovot mamba, agi lum sunda, agi lagi kam ki hurugi pet ki tagi pet mi.

1 Sunda Hamuleinid’a 21:29

Wani zlub’u d’a Moise mi vat mi Ma didina sä abagei hur fulîd’a ki yima ngal ahle suma ngat buzu ma a tinim iram vama a sä ni Gabawon.

1 Sunda Hamuleinid’a 22:1

David mi dala: Yima kä wana mba mi arî gong nga kud’ora hi Ma didina Alonid’a, mi mba arî yima ngal ahle suma ngat buzu suma ngala hi Israel-lîna mi.