1 Sunda Hamuleinid’a 21:27 - Bible azumeina

²⁷ Ata yi máma Ma didina mi de mi malaikana ala: Ang hulong mbigeu manga kur aziyad’u.

1 Sunda Hamuleinid’a 21:27 Referans Kwoze

Hebre-na 1:14

Malaikana pet ni muzuk ma le sunda mAlona, azi ni suma Alona mi sunuzi á ndjun suma a mba fe sutina d’uo zu?

Jean 18:11

Kayam ndata, Jesus mi de mi Pierre ala: Ang hulong nik mbigeu manga kur aziyad’u. Kop ma Abun handjina, an tchum mbuo zu?

Matiye 26:52

Ata yi máma, Jesus mi dum ala: Ang hulong mbigeu manga kur aziyad’u, kayam suma pet suma a yo mbuguyo suma fuyogeina abozina, a mba bo ni matna hi mbuguyo suma fuyogeinina.

Ezekiyel 21:30

Wani ang amul ma Israel ma tcho ma mbut ira, burâ nga mi mba, ni bur ma sun mang nga tchod’a dap kuana.

Jeremi 47:6

Agi nga tchigi ala: Ndak mbigeud’a hi Ma didinid’a, ni mindja ba, ndak ki tuk tak ke? Ndak hulong kur aziyagu, ndak kak tchugot bei le va ba.

Sawal la giled’a 103:20

Agi malaikana hi Ma didina suma ad’eng suma kal papa suma nga lagi sunda yam zla mamba suma nga gagi yagi kä ad’u zla mam mba ded’ina, agi gilemu!

1 Sunda Hamuleinid’a 21:20

Ornan nga mi to gemena, mi mbut iram mi we malaikana. Grom suma fid’i suma a nga ki sed’ema, a ring a ngei taziya.

1 Sunda Hamuleinid’a 21:12

Ang min ni me ge? Ang min ala baktarad’a ti nde yam ambas manga bizad’a hindi, d’oze ang min ala mang suma djangûna a kus kang ki mbigeu d’a fiyaka gak tilâ hindi, d’oze ang min ala an Ma didina ni sunï malaika mana ki mbigeu d’a fiyaka abom ki tugud’ei d’a tchod’a á tchi suma woi yam ambas sa Israel la lara ge pet gak burâ hindi zu? Ki tchetchemba, ang danu; an hulong humba mi ma sununïna.

2 Samuel 24:16

Ata yima malaikana abom nga tinda á b’lak Jerusalem-ma, Ma didina mi mbut hat hurum yam b’lak ndata, mi de mi malaika ma tchi suma máma ala: Ndaga! Ki tchetchemba, ang hlabong ngeyo! Malaikana hi Ma didina máma mi tchol go ki yima to awuna hi Arafna ma Jebus-sâ.

1 Sunda Hamuleinid’a 21:26

David mi min yima ngal ahle suma ngat buzuna mi Ma didina kamu, mi hahle suma ngat buzu suma ngala kahle suma ngat buzu suma zlap darigïd’a, mi tchen Ma didina mi. Ma didina mi hulongôm humba ni kakud’a. Akud’a ti tcholï akulo yam yima ngal ahle suma ngat buzu suma ngala.

1 Sunda Hamuleinid’a 21:28

Ata yi máma David mi wala Ma didina mi hulongôm humba kur ambid’a’â hi Ornan ma Jebus-sîna, mi he he d’a hawa d’a ngat buzuna ata yi máma.