1 Sunda Hamuleinid’a 21:17 - Bible azumeina

¹⁷ David mi de mAlona ala: Ni an ba ni dala a ndum suma d’uo zu? Ni an ba ni so vuna! Wani sum ndazina a le ni me ge? Ma didina Alo mana, ar ang ngobon ni an ki sum mana. Ar ang ngop sum mangâ ki tugud’ei d’a tcho d’a tchi mat ndata d’i.

1 Sunda Hamuleinid’a 21:17 Referans Kwoze

Ezekiyel 16:63

Fata an mba ni vat hurun ndei kak yam ahlena pet suma ndak lazinid’a, ndak mba d’i djib’er yam bur ma kalâ, ndak mba d’i mbut zulona, ndak mba d’i mal vunak á de zlad’a abo zulo ma’â d’i. An Salad’a Ma didina ni de na.

1 Jean 3:16

Christ mi he tam mbei keya. Kayam ndata, ei wei wa od’a, mbeî ei teid’a hei tei woi yam b’oziyoina na mi.

Romê-na 9:3

An tan min ala le ni vama nda’â ni, an mbut sama vun ma ged’a hAlonina kama á wal lei ki Christ yam b’oziyon suma ala nandjavanu na.

Sawal la giled’a 74:1

Ni sawal la gile d’a Asaf mi hlata. Alo mamina, ni kayam me ba, ang arami woi ki irang hina fafat ke? Ni kayam me ba, hurung zal ata ami tumiyô mang suma ang nga polomina na ge?

Sawal la giled’a 51:14

Ar an le furîd’a yam sut ta ang sud’unda, ar Muzuk mang ma we hohowa sumina mi ndjununu.

Sawal la giled’a 51:4

Ang mbuzun ndei tetet kur tchila manda, ang mbud’un ndei yed’et kur tcho manda mi.

Sawal la giled’a 44:11

Ang dadagami kazigami avok mami suma djangûna; suma a noyômina a hurumumi ahle mamina mi.

1 Sunda Hamuleinid’a 21:8

David mi de mAlona ala: Zla d’a an lat wanda, an le ni tcho d’a ngola. Ki tchetchemba, ang vat hurung ngei kanu, kayam an le ni sun nda lilid’a.

1 Amuleina 22:17

Ata yi máma Mise mi dum ala: An we Israel-lâ pet a b’rau woi yam ahinad’a d’igi tumiyô suma bei salazi ma pola ba na na. Ma didina mi dala: Azi nga kamul li. Ar nge nge pî mi hulong avo hatam ki halasa!

2 Samuel 24:17

Ata yima David mi we malaika ma nga mi tchi sumina, mi de mi Ma didina ala: Gola! Ni an ba ni le tchod’a! Ni an ba ni so vuna! Wani sum ndazina a le ni me ge? Ar ang ngobon ni an ki sum mana.

2 Samuel 24:1

Ma didina hurum zal zal la dinga ata Israel-lâ, mi zut David mi kak djangûna ki sed’eziya, mi dum ala: Ang i ndum Israel-lâ ki Juda-na.

2 Samuel 12:10

Ki tchetchemba, a mba tchi sum mangâ avun ayîna hina baba, kayam ang golon is, kayamba ang vatchad’a hi Uri ma Het-na, ang gat ad’ung atchad’id’a.

2 Samuel 7:8

Ki tchetchemba, ang i de mazong mana David ala: An Ma didin ma ad’engên kal petna ni dala: Ni an ba ni vangî ata yima pol tumiyôna á tining amula yam man suma Israel-lâ.

Josue 22:18

Gola! Ki tchetchemba, agi walagiya wa woi ki Ma didina ini! Le agi kagagi djangûna ki sed’em ini ni, ndjivin mam hurum mba mi zal yam ablaud’a hi Israel-lîd’a pet!

Buzuk ka Abud’a 20:5

Ar ang grif kä avorozi d’i, ar ang kud’urozi d’i, kayam an Ma didina Alo mangâ nAlo ma yungôrâ. Sama kak djangûna ki sed’ena, an mba ni ngobom kandjavam gak andjavam ma kur atchogoi d’a hindid’ina d’oze ma kur atchogoi d’a fid’id’ina.

Ad’u Tinda 44:33

An nga ni tchenengû, ar an mbut magom mangâ balum gor máma, ar mam i ki b’oziyoma.

Jonas 1:12

Mi hulong dazi ala: Agi hlan gan ndei alumu, aluma mba mi tchola. An wala ni yam an ba, simet ma ngolâ mi tchol ki sed’egi wana.