1 Sunda Hamuleinid’a 21:13 - Bible azumeina

¹³ David mi hulong de mi Gat ala: An nga kur tcha tatad’a ngola! An min ndabo Ma didina, kayam we hohou mamba, ti ngola heî. Ar an ndabo suma d’i.

1 Sunda Hamuleinid’a 21:13 Referans Kwoze

Sawal la giled’a 130:7

Agi Israel-lâ, agi tinigi hurugi yam Ma didina, kayam mam mi sama djivina; ni ma sut suma woi kur ndakina.

Hebre-na 10:31

Ni vama mandar ma ngolâ á ndabo Alo ma arina.

Filip-ma 1:23

Wani an nga hepa aduk ahle suma mbà ndazina. An djib’er ala le an i kak ki Christ-zu ni, ni vama kal teglesâ.

Isai 55:7

Ar sama asa’atna mi ar lovot mam mba tchod’a woyo, ar sama bei d’ingêrâ mi ar djib’er mam mba tchod’a woi mi, ar azi hulongôzi gen Ma didin ma mi wazi hohowozina, ar azi mbeï gen Alo mei ma nga mi kau á vat hurum mbei kei d’uo na.

Jean 12:27

Jesus mi dala: Ki tchetchemba, vunadigan ndi pat fek, an mba ni de nana ge? An mba ni dala: Abunu, ang sud’un ndei ata ler ra wanda zu? Hawa, ni kayam ndata ba, an mba á fe ndaka kur ler ra wanda.

Isai 63:7

An mba ni de woi yam o d’a bei dabid’a hi Ma didinid’a ki gile d’a ei gilei Ma didina yam djivi d’a mi lat ki sed’eid’a. An mba ni de woi yam djivi mam mba yam Israel-lîd’a, yam djivi d’a mi lat ki sed’ezid’a ki we hohou mamba ki o mam mba bei dabi d’a kal teglesa mi.

Isai 47:6

Gola! An hurun zal adjeu ata sum mana, an mbut man suma an tazi djonina zulona, an haksi hur abogu. Ndak wazi nga hohowozi d’i, ndak ge djuk mak ma ane’â kel momorogeina.

Isai 46:7

A nga hle filei máma, a nga zim keleziya, a nga tinim ata yamu. Mi arî ata yam máma na, nga mi djok kei d’i. Le a yum pî, nga mi hum mbi, nga mi sut sa woi kur yima ndaka d’uo mi.

Zla d’a d’ogolâ 12:10

Sama d’ingêrâ nga mi ngom d’uwar mama djivid’a, wani djib’era hi sama asa’atnid’a ni murud’um mba led’a.

Sawal la giled’a 130:4

Wani angî ma vat hurung ngei yam sumina. Ni kayam ndata ba, ami nga hungû.

Sawal la giled’a 106:7

Abuyomi ngolo a we nga ad’u sun nda ndandal la ang lat sä avo Ezipte-d’a d’i, azi mar rei yam o d’a ngol la ang lat kazid’a, azi song vunang avun alum ma ngolâ, avun alum ma ngol ma Tchereuna.

Sawal la giled’a 103:8

Ma didina ni ma mi we hohowa sumina, ni ma sumad’a, ni ma hurum nga mi zal atogo d’uo na, ni ma nga oîd’a ki o mam mba didindina mi.

Sawal la giled’a 86:15

Wani Salad’a, ang tu nAlo ma we hohowa sumina, ni ma sumad’a; ang nga tchol kayîna atogo d’i, angî ma o mang nga didinda zul heîna, angî ma d’engzengâ mi.

Sawal la giled’a 86:5

Salad’a, angî ma djivina, angî ma vat hurung ngei yam sana atogo za’â; o mang nga didinda ti zul heî yam suma a nga yangâ.

Sawal la giled’a 69:16

Ang ar abilâ mi hlan ndi, ar an sir kä ad’u galileina d’i, ar yima azuleina mi duk vunam kan nduo mi.

Sawal la giled’a 69:13

Suma a nga kaka kä avun azina a nga de zlad’a kanu, suma a gurut ki sümina a nga hle sawala ki sed’en mi.

Sawal la giled’a 5:7

Ang nga tchi suma ka zlad’a woyo; Ma didina, suma tchi suma ki suma mbut ira, ang nga golozi is.

Ester 4:16

Ang i tok Juif-fâ pet suma a nga avo Sus-sâ, agi d’elegi tagi bei te tena bei tche va kan gak burâ hindi falei kandjege. An pî mba ni d’el tan bei te tena ki yugunei mana mi. D’igi gata d’el hina pî, an mba ni i krovo avok amulâ; le a tchan ni tchi pî, a tchanu!

Ester 4:11

Azungeîna hamulîna pet ki suma kur ambas mambina pet a wala gata nga yam nge nge pî, mandjufâ d’oze atchad’a, ma kal krovo avok amulâ bei yum ba na, a tchumî woyo. Gat ndata ni yam suma pet; ma aram bei tchid’ina ni ma amulâ mad’am yam totogo mam mba lorina hol. Wani an le kä ni tilâ sop bei yan krovo avok amulâ ba.

2 Sunda Hamuleinid’a 28:9

Ma djok vuna hi Ma didinina mi nga avo Samari, a yum ala Odet. Mi nde mi d’ugol azigar suma a nga mbei avo Samari-na, mi dazi ala: Gola! Ma didina Alona habuyogi ngolona, hurum zal yam suma Juda-na, mi hagizi abogiya, wani agi tchagizi ki hur ma zala gak mi i akulo hur alona.

2 Amuleina 7:4

Le ei kalei avo hur azina ni, ei mba boya, kayam vama te nga d’i. Le ei kagei ka hî d’ei, ei mba boi d’ei! Ki tchetchemba, ar ei i kur kang ma Siri-na geveziya! Le a arei bei tchid’a ni, hotei! Le azi tchï d’ei, ni mat ma kolâ tu!

2 Amuleina 6:15

Kid’a azongâ hi Elise-na mi nde woi ki yorogo avun azì ma ngolid’a, mi we azigarâ kakulumeina ki pus ma dur ayîna teteng a ngui azina d’uhl, mi er ad’um akulo ala: Alë! Salana, ei lei ni nana ge?

Habakuk 3:2

Ma didina, an hum zla d’a ang data, Ma didina, mandarâ van heî abo sun mang nga led’a. Ang le sun manga kur atchogoi mamid’a d’igi ang lat adjeu na; kur atchogoi mamid’a ang tagat tei mi suma. Le hurung zal pî, ar ang djib’er yam we hohou mang nga kamid’a.

Mise 7:18

Ma didina, nalo ma lara ba, mi hle tam d’igi ang na ge? Ni ang tu ba, nga vat hurung ngei yam tchilad’a, yam tchod’a á we hohowa suma a ar suma ang tazi djonina. Ang nga ngom ayîna kurung baba d’i, kayam tang ngi lang djivid’a ni yam we hohoud’a.

Jonas 4:2

Mi tchen Ma didina, mi dum ala: Ma didina, wana ni zla d’a an dat kurun kid’a an sä yam ambas mandid’a d’uo zu? Ni kayam ndata ba, an hal lovota atogo zak á ring Tarsis, kayam an we angî Alo ma djivi ma we hohowa suma, hurung nga mi zal atogo d’i, djivi manga kal ngola heî mi. Angî ma nga djok djib’er manga yam vama ang ngam kurung á led’ina.

Jonas 3:9

Ni nge mi we ge, dam Alona mba mi djok djib’er mamba kei mba mi ar ayî mama bibiliuna tala ei boi woi d’uo d’a kla ni ge?

Hor ma tchina 3:32

Wani ata yima mi gad’ama, mi wum hohowom yam o mam mba ngol la bei dabid’a.

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Sawal la giled’a 119:156

Ma didina, we hohou manga ti ngola heî; ang aran an kak ki iran yam nga hur mangâ.