1 Sunda Hamuleinid’a 17:6 - Bible azumeina

⁶ Ata yima lara ma an nga ni tit ki Israel-lîna, an he vuna mi suma a kak avorozina á pol sum mana. Wani an de nga mi sa adigazi yan tu ala: Ni kayam me ba, ang minin gonga kagu sedrena d’uo ge d’i?

1 Sunda Hamuleinid’a 17:6 Referans Kwoze

2 Samuel 7:7

Ata yima lara ma an nga ni tit ki Israel-lîna, an de zla tu mandjafâ hi Israel ma ding ma an hlum vunan ala mi polon man suma Israel-lâ na ala: Ni kayam me ba, agi minin-ngi gonga kagu sedrena d’uo ge zu?

Vama ndum mbeina 2:1

Ang b’ir mbaktumba mi malaika ma nga yam Tok ka Efes-sina. Wana nahle suma ma ve tchitchiu d’a kid’iziyad’a abom ma ndjufâ ma nga mi tit aduk agu ma tin lalam mba lora kam ma kid’iziyana mi dazina:

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Sunda hi suma a sunuzinid’a 13:20

A kak kur d’igi bizad’a kikis fid’i yam dok vahl na. Bugol biza ndata, mi hazi suma ka sariyad’a gak mba kur atchogoid’a hi ma djok vun Alona Samuel-la.

Matiye 2:6

Ang azì ma Betelehem ma yam ambas sa Juda-d’ina, ang nga gogora aduk azì ma Juda-na d’i, kayam ma te yamba mba mi ndeï ni kurungû, mba mi pol man suma Israel-lâ.

Mise 5:4

Ni mam ba, mba mi mba ki b’leng nga halasa. Ata yima suma Asiri-na a mba mba kur ambas meid’a, a mba kal kur azì mei ma ad’eng ma ngungunina, ei mba tcholei ki suma nglo suma avok sumina ablaud’a á duruziya.

Ezekiyel 34:2

Ang gor sana, ang djok vuna mamulei suma Israel-lâ. Ang djok vuna mi suma pol ndazina ala: Salad’a Ma didina mi dala: Ni zla d’a hohoud’a kagi agi suma pol suma Israel suma nga pologi ni tagi gogona. Na ni suma pola a polî tumiyôna d’uo zu?

Jeremi 23:4

An mba ni tin suma pol suma dingâ kazi á poloziya. Tumiyô mana a mba le mandar roze a mba zlak kuo mi, tu mba mi ba woi adigazi d’uo mi. An Ma didina ni de na.

1 Sunda Hamuleinid’a 11:2

Avok ka Saul nga mi tamula kami tua d’a, ni ang ba, i ki Israel-lâ á durâ, ang hulong ki sed’ezi avo mi. Ma didina Alo mangâ mi dang ala: Ni ang ba, mba pol man suma Israel-lâ, ang mba kak amula kazi mi.

1 Samuel 12:11

Ata yi máma Ma didina mi sunï Zedeyon, Bedan, Jefte ki an tan Samuel á pad’agi woi abo magi suma djangû suma a nguyugina. Ni kayam ndata ba, agi kagagi ki halasa kur ambas ndata wana.

Gat ta a hat á mbàd’id’a 23:14

Ar kang magina mi ka’î yed’et, kayam Ma didina Alo magina nga mi tit kur kangâ á ngomogiya, á dik magi suma djangûna woi avorogi mi. Ar mi we vama ndjendjed’a avo hatagi we ba, mi hulong ngei kazigam mbi.

1 Sunda Hamuleinid’a 17:7

Ki tchetchemba, ang i de mazong mana David ala: An Ma didin ma ad’engên kal petna, ni dala: Ni an ba ni vangî ata yima pol tumiyôna á tining amula yam man suma Israel-lâ.

1 Amuleina 8:16

Dedei d’a an buzugï Israel-lâ sum mana woi yam ambas sa Ezipte-d’a, an man nga azì ma ngol tu aduk andjafâ hi Israel-lîna á min gong nga simiyên mba mi yi kuad’a d’i. Wani an manang ang David á tamula yam man suma Israel-lâ.