1 Sunda Hamuleinid’a 17:24 - Bible azumeina

²⁴ Ar ang ndak vun zla ndata, kayam suma a suburung simiyêng teteu, a dala: Ma didin ma ad’engêm kal petna Alona hi Israel-lîna, mam mi Alona hi Israel-lîna. Ar andjavan an azong mangâ David mi ka’î sirad’a avorong hina didin.

1 Sunda Hamuleinid’a 17:24 Referans Kwoze

Vama ndum mbeina 21:3

An hum del la ngola ti tcholï akulo ata yima zlam mba amula ti dala: Ki tchetchemba, yima kaka hAlonina mi nga aduk suma, mba mi kak ki sed’eziya, azi mba mbut sum mama. Alona tamba mba mi kak ki sed’eziya, mam mba arî Alo mazina.

1 Pierre 4:11

Le ná tchi wala, ar mi tchi wala d’igi ded’a hAlonid’a na. Le ná le sunda, ar mi le d’igi ad’eng nga Alona mi humzid’a na. Hina, ar agi suburugi Alona kur ahlena pet yam Jesus Christ mam ma subura kad’enga ni mamba gak didina. Amin!

Hebre-na 11:16

Wani azi nga hat huruzi yam andaga d’a djivi d’a kala, nala, ta akulod’a. Kayam ndata, Alona nga mi le zulona kazi ata yima azi nga yum ala Alo mazina na d’i, kayam mam min wa azì ma ngolâ kazi da’.

Hebre-na 8:10

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kur djib’er mazid’a, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Filip-ma 2:11

ar suma pet a dala: Jesus Christ ni Salad’a mi, yam subura hAbum Alonid’a.

Jean 17:1

Kid’a Jesus mi dahle ndazina dad’a, mi hle iram akulo, mi dala: Abunu, yina ndaga wa, ang suburunu, kayam an suburung mi.

Jean 12:28

Abunu, ang subur simiyêngû. Kayam ndata, dela ti tcholï akulo ti dala: An suburum wa da’, an mba hulong suburum kua d’ei.

Matiye 6:13

Ar ang imi kur kuka d’i, wani ang pad’ami woi abo Ma tchona. [Leud’a, ad’enga ki subura ni manga gak didin. Amin!]

Matiye 6:9

Agi tchenegi ni na: Abumi ma sä akulona, ar suma pet a suburung simiyêngû.

Jeremi 31:1

Ma didina mi dala: Fata yina ndaka, an mba ni arî Alona handjafâ hi Israel-lîna pet, azi tazid’a a mba mbut ni sum mana mi.

Sawal la giled’a 90:17

Salad’a Alo mamina, ar ang vami sumad’a! Ang ar sirami sun mami d’a abomid’a. Gagazi, ang sira sun ndata abomiya!

Sawal la giled’a 72:19

Ei gilei simiyêm ma subura gak didin! Ar subur mamba ti oî yam andagad’a pet! Amin! Amin!

Sawal la giled’a 21:13

Ang mba yed’ezi ki yeû manga. Kayam ndata, azi mba hang huyogozi á ringâ.

2 Sunda Hamuleinid’a 6:33

ang Ma didin ma sä akulona, ata yima ang nga kaka kuana, ang huma, ang hangei máma vama mi tcheneng kama. Hina wani, suma yam andagad’ina pet a mba wangû, a mba hat á lang mandarang d’igi Israel-lâ a nga lang mandarang na mi. Ar azi wala azi tchenengî kur gong nga an minit wanda.

1 Sunda Hamuleinid’a 17:23

Ki tchetchemba, Ma didina Alo mana, ang ndak vun zla d’a ang dat mi an azong mangâ kandjavanda gak didin, ang le d’igi ang de na mi.

1 Sunda Hamuleinid’a 17:25

Ni kayam ndata ba, ni ang tang Alo mana ba, ang nde zla ndata woi mi an azong mangâ ala: An mba ni mbud’ung andjavang andjaf ma amula, ni hina ba, an azong mangâ ni fad’enga á tcheneng wana.

Jeremi 38:17

Ata yi máma Jeremi mi de mi Sedekiyas ala: Ma didina Alo ma ad’engêm kal petna, Alona hi Israel-lîna, mi dala: Le ang nde woi d’ugol suma nglo suma hamul ma Babilon-na ni, ang mba sut tangû, a mba ngal azì ma ngol ma wana woi kakud’a d’i, ang ki sum mangâ, va mba mi lagi d’uo mi.