1 Sunda Hamuleinid’a 16:29 - Bible azumeina

²⁹ Agi suburugi simiyê Ma didina, agi mbeyegï ki he d’a hawa magid’a avoromu. Agi grivigi kä avok Ma didina kahle magi suma djifâ atagiya.

1 Sunda Hamuleinid’a 16:29 Referans Kwoze

Sawal la giled’a 100:4

Agi tchugugi avun agrek mama ki sawal la gile d’a suburid’a, agi kalagi kur gulumuna hi gong mambina ki subura! Agi gilegiziya! Agi suburum simiyêm mi.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Sawal la giled’a 96:9

Agi grivigi kä avok Ma didina kahle magi suma a tinizi irazi vazina; agi suma yam andagad’ina pet, agi zlagagi avoromu.

Sawal la giled’a 96:6

Ngola ki subura ni mamba, ad’eng mamba ki wile mamba a nga kur gong mam mba kud’ora.

Sawal la giled’a 95:2

Ei igi avorom á suburumu, ei gileizi ki furîd’a ki sawal la tetenga.

Sawal la giled’a 29:2

agi dagi woi yam subura hi Ma didinid’a, agi grivigi kä avok Ma didina kahle magi suma a tinizi irazi vazina.

Sawal la giled’a 72:15

Ar va mi lum mbi! Ar a hum lor ra Saba-d’a, ar a tchen Alona kam kur burâ kaf, ar a tchen Alona kam burâ ki burâ ala mi b’e vunam kamu.

Vama ndum mbeina 7:12

a dala: Amin! Giled’a ki subura ki ned’a ki wed’a ki hud’a ki sib’ika kad’enga ni hAlo meinid’a gak didin. Amin!

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

2 Sunda Hamuleinid’a 20:21

Bugola, mi ndjak vunam ki suma, mi tin suma hle sawal suma a tchuk ahle suma djif suma a tinizi irazi vazina atazi a nga tit avok azigarâ á gile Ma didina ala: Agi gilegi Ma didina, kayam o mamba nga d’i dap pi!

Ezekiyel 24:25

Ang gor sana, an mba ni hlazi va mazi mala nad’eng nga azi nga subur tazi kat tad’a woyo. An mba ni hlazi va mazi mala ni furî mazid’a ki djif mazina ma huruzi vum heî ma tazi lazi djivid’a kam heîna woi zlapa ki grozi suma andjofâ ki grozi suma aropma.

Sawal la giled’a 72:10

Amulei suma Tarsis-sâ ki suma yam tilina, a mba mbam ki he d’a hawad’a, amulei suma Saba-na kamulei suma Seba-na a mba hum he d’a hawad’a mi.

Sawal la giled’a 50:2

Siyon nazì ma djif ma kal teglesâ; Alona nga mi wileï kuru.

Ezekiyel 7:20

Azi subur tazi yam ahle mazi suma ndjondjoî suma djifâ, a yorozi filei mazi ma ndjendjed’a. Ni kayam ndata ba, an mba ni mbud’uzi ahle suma ndjendjed’a iraziya.

1 Samuel 6:5

Agi lagi vama hle tam d’igi tugud’ei d’a a yat ala emorotina na d’igi kulom mba nga d’i b’lagagi ambazagid’a na mi, agi hagi ngola mAlona hi Israel-lîna. Dam mam mba mi aragi agi kalo magina kandaga magid’a bei ngopa kla.

1 Sunda Hamuleinid’a 16:28

Agi andjaf suma, agi suburugi Ma didina, agi dagi woi yam subur mamba kad’eng mamba mi.

1 Sunda Hamuleinid’a 16:30

Agi suma yam andagad’ina pet, agi zlagagi avoromu. Andagad’a ti nga kaka ngingring nga d’i giget ti.

Sawal la giled’a 29:1

Ni sawal la David mi hlata. Agi suma nglo suma sä akulona, agi hagi ngola mi Ma didina, agi dagi woi yam subur mamba ki sib’ik mamba,

Sawal la giled’a 96:7

Agi andjaf suma, agi suburugi Ma didina, agi dagi woi yam subur mamba kad’eng mamba mi.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.