1 Sunda Hamuleinid’a 15:29 - Bible azumeina

²⁹ Ata yima a kal zandu’â hi Ma didinina avo kur azì ma ngolâ hi David-nina, Mikal Saul goromba ti gol ir fenetred’a, ti wamulâ David nga mi gal akulo ki ndjongâ. Ata yi máma ti golom is kurut krovo.

1 Sunda Hamuleinid’a 15:29 Referans Kwoze

2 Samuel 6:16

Ata yima a kal zandu’â hi Ma didinina avo kur Azì ma ngolâ hi David-nina, Mikal Saul goromba ti gol ir fenetred’a, ti wamulâ nga mi gal akulo ki ndjongâ. Ata yi máma ti golom is kurut krovo.

Hebre-na 9:4

Kur yi máma, vama a minim ki lora á ngal mbul ma his ma afufuînina ki zanduk ma Alona mi djin vunam kam ma a gulud’um ki lorina a nga kua. Dei ma lor ma manna kuruma ki totogod’a hi Aron nda d’ufa kahina d’a bebed’e d’a tchet ta mbà d’a Alona mi b’ir vun ma he mama kuad’a a nga kua mi.

2 Korente-na 5:13

Le ami ni suma lilid’a ni, ni yam Alona, wani le ami ni suma ned’a ni, ni kayam agiya.

1 Korente-na 2:14

Sama nga ki Muzu’â hAlonina d’uo na, mi ndak á ve gagazi d’a tcholï ata Muzuk mámid’a d’i. Ndat ni vama lilid’a iramu, mi ndak á wal ir ahlena hi Muzuk mámina d’uo mi.

Sunda hi suma a sunuzinid’a 2:13

Wani suma dingâ a nga las suma a he gagazid’ina, a dala: A gurut ni ki süma!

Jeremi 33:11

sawal la hur ma hapma ki sawal la furîd’a. A mba hum sawala hi ma tel atchad’a awilina ki sawala hi d’a a telet awilid’a kur ambas sa wanda. A mba hum dela hi suma a hle sawal la wandina ala: Agi gilegi Ma didin ma ad’engêm kal petna, kayam Ma didina ni ma djivina, kayam o mamba nga d’i dap pi. A mba hum dela hi suma a nga hahle suma ngat buzu suma le mersid’ina kur gong man nda kud’ora. Kayam an mba hulongî ki suma a yozi magomba kur ambas sa wandina, an mba ni kagazi blangâzi d’igi adjeu deid’a na. An Ma didina ni de na.

Jeremi 30:19

Suma abuna a mba hum sawal la mersid’a ki del la furîd’a adigagiya. Agi andjafâ hi Jakob-ma, agi mba feyêgi d’i, kayam an mba ni zulugi ablaud’a; sa mba mi gologi is suo d’a, kayam an mba ni hagi ngola.

Jeremi 3:16

Ma didina mi de kua ala: Fata agi zulugi wa kur ambasa agi oyôgi wa kur ambasa mi ni, a mba de zlad’a yam zanduk ma a ngom vun ma djinda hi an Ma didina kuana d’uo d’a, a mba djib’er kam mboze a mba yum simiyêm mbuo mi, a mba de kam ala: Mi nga ni lara ge d’i, a mba min ma ding nguo mi.

Ma tchi wala 3:4

yima tchina mi nga, yima sanda mi nga mi; yima tchi horâ mi nga, yima lü ndjongâ mi nga mi;

Sawal la giled’a 150:4

Agi gilegizi ki daliyâd’a ki ndjongâ, agi gilegizi kadingâ ki taulâd’a.

Sawal la giled’a 149:3

Ar a gilem simiyêm ki ndjongâ, ar a hle sawala á gilem ki daliyâd’a kadingâ mi,

Sawal la giled’a 30:11

Ma didina, ang humunu, ang wan hohowonu; Ma didina, ang ndjununu!

1 Samuel 25:44

Wani Saul mi he goromba Mikal atchad’a hi David-ta mi Palti ma Galim-ma; mam mi Layis goroma.

1 Samuel 4:3

Suma a arâ a hulongî kur kangâ; suma nglo suma Israel-lâ a dala: Ni kayam me ba, Ma didina mi ar suma Filistê-na a kus kei ini hina ge? Ei i halei zanduk ma vun ma djinda hi Ma didinina nga kuana avo Silo. Le mi mba wa adigeya ni, mi mba sud’i woi abo mei suma djangûna.

Suma ka sariyad’a 20:27

Israel-lâ a djop Ma didina. Nata yi máma ba, zandu’â hAlonina mi nga kua.

Gat ta a hat á mbàd’id’a 31:26

mi dazi ala: Agi vagi mbaktum mba wan nda a b’ir gata hAlonid’a kuad’a, agi gat kä gen zanduk ma vun ma djinda hi Ma didina Alo maginina mi nga kuana; mba d’i ar ged’a ata yi máma d’igi glangâs ma kagina na.

Ndumba 10:33

A tchol yam ahinad’a hi Ma didinid’a a i á tit burâ hindi. Zandu’â hi Ma didinina nga mi i avorozi á hal yima azi tuk tazi kuana.

Buzuk ka Abud’a 15:20

Miriyam mba djok vun Alona Aron wiyemba, ti hleï daliyâd’a abod’u; aropma pet a buzuk blogot ki daliyâ mazid’a, a nga lü ndjongâ.

1 Sunda Hamuleinid’a 17:1

Kid’a David mi kak kur aziyam da d’a, mi de mi Natan ma djok vun Alona ala: Gola! An nga ni kaka kur azì ma a minim kagu sedrenina, wani zanduk ma vun ma djinda hi Ma didinina mi nga kuana, mi nga ni tinda kur zlub’ud’a.

Josue 4:7

Ata yi máma agi hulong dazi ala: Nahuniyô suma ami yozi kur bur ma alum ma Jurdê-na mi wal lei aduk mbà ata yima zandu’â hi Ma didina nga mi djagam mbeina. Ahuniyô ndazina a arî vama ge humba mi Israel-lâ gak didin.

1 Sunda Hamuleinid’a 15:28

Israel-lâ pet a hleï zandu’â hi Ma didinina ki siwela gandjau, a nga bu aduvei suma nglona ki suma gureina ki tchigiyeud’a, a nga bu ading ma nglona ki ma gureina mi.