1 Sunda Hamuleinid’a 15:26 - Bible azumeina

²⁶ Ni ki ndjunda hAlonid’a ba, suma hi Levi-na a hleï zandu’â hi Ma didinina. A ngat amuzleina buzuna kid’iziya ki gamlâna kid’iziya mi.

1 Sunda Hamuleinid’a 15:26 Referans Kwoze

Ndumba 23:29

Baläm mi de mi Balak ala: Ang minin yima ngal ahle suma ngat buzuna kid’iziya ka hî, ang hanï amuzleina kid’iziya ki gamlâna kid’iziya mi.

Wana ni mbaktumba hi Job-pa 42:8

Ki tchetchemba, agi i yogï amuzleina kid’iziya ki gamlâna kid’iziya mi. Agi igi gen azong mana Job, i hagizi he d’a hawa d’a ngala. Azong mana Job mba mi tchen kagiya; an mba ni humumu, an mba ni lagi tchod’a yam lili magid’a d’i, kayambala agi dagi nga zla d’a gagazid’a kan d’igi azong mana Job na d’uo d’a.

1 Sunda Hamuleinid’a 29:14

An ni va d’i, sum mana ni va d’uo mi. Nga ni kad’eng mamid’a ba, ami hang he d’a hawa d’a wanda d’i. Ahlena pet a tcholï natangû. Nahle suma ang hamizina ba, ami hangzi wana!

2 Korente-na 3:5

Ami ndak á lami va yam tami d’i, wani ad’eng mamid’a ti tcholï nata Alona.

2 Korente-na 2:16

Ir suma a nga ba woina, ami ni his ma tcho ma tchi matna. Ir suma a nga fe sutina, ami ni his ma djivi ma sut sumina. Sama ndak á le sun ndata ni nge?

Sunda hi suma a sunuzinid’a 26:22

Wani Alona mi ndjunun gak ini. An nga tchola á le glangâs mana avok suma pet, nala, avok suma nglona, avok gugureina mi. An de nga vama ding ngi; ni vama suma djok vun Alona azi ki Moise a dum mbei ala mba mi mba na hol.

Ezekiyel 45:23

Kur bur ma kid’iziya ma a le vun til máma kurâ pet, mam he amuzleina kid’iziya ki gamlâna kid’iziya suma bei daka ba na he d’a hawa d’a ngat buzu d’a ngala, mi he mbekmberena tu he d’a hawa d’a ngat buzuna yam tchod’a mi.

2 Samuel 6:13

Ata yima suma a zï zandu’â hi Ma didinina kelezina, a tit asezi tutud’a karagaya na, a vamuhl ma nguruna kamuhl ma gor ma d’orâ, a ngad’azi ahle suma ngat buzuna.

1 Samuel 7:12

Samuel mi hle ahinad’a, mi pat aduk Mispa ki Sen, mi yat ala Ebenezer, mi dala: Gak ini Ma didina nga mi ndjuniya.

Ndumba 29:32

Kur bur ma kid’iziyana agi hagi amuzlei suma azungeîna kid’iziya, gamlâna mbà, gro tumiyô suma bizazi tutu suma bei dakina dogo yam fid’i