1 Sunda Hamuleinid’a 13:6 - Bible azumeina

⁶ David azi ki Israel-lâ pet a i Bäla, nala, Kiriyat-Jarim-mba hi suma Juda-nid’a á hleï zandu’â hAlona ma a nga yi simiyê Ma didina avoroma. Ni zanduk ma Ma didina mi nga kaka kam aduk tcherebênina.

1 Sunda Hamuleinid’a 13:6 Referans Kwoze

Josue 15:9

Ti hleï yam ahinad’a kolâ, ti kongî gak ti mba avun mbiyo ma lau ma Neftowa-na, ti kal gak ti i kur azì ma nglo ma yam ahina d’a Efron-ndina, ti kong ti mba Bäla d’a a yat ala Kiriyat-Jarim-mba.

2 Amuleina 19:15

Bugola, mi nde tchenda ala: Ma didina, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’a, angî Ma lakulod’a kandagad’ina mi.

Buzuk ka Abud’a 25:22

Nata yi máma ba, an mba ni ngavang akulo yam zandu’â vunam ma duka aduk tcherebê suma mbà suma agi tinizi akulo yam zanduk manina. Ni kua ba, an mba ni hang vun man ma hed’a pet ma yam Israel-lîna.

1 Samuel 4:4

Kayam ndata, a sun suma Silo á hleï zanduk ma vun ma djinda hi Ma didin ma ad’engêm kal pet ma nga kaka yam zlam mam mba amula aduk tcherebê ma lorina nga kuana. Hofni azi ki Fines Eli grom suma mbàna a i ki zanduk máma.

Josue 15:60

Kiriyat-Bäl, nala, Kiriyat-Jarim ki Raba. Azì ma nglona ni mbà kazì mazi ma gureina mi.

Isai 37:16

Ma didin ma ad’engêng kal petna, Alona hi Israel-lîna, ang ma nga kaka yam zlam mang nga amula aduk tcherebênina, angî Alo ma tu ma yam leu d’a pet ta yam andagad’id’ina, ang ni Ma lakulod’a kandagad’ina.

Sawal la giled’a 99:1

Ma didina nga mi tamula, ar suma a zlaga! Mi nga kaka aduk tcherebêna, ar andagad’a ti giged’a!

Sawal la giled’a 80:1

Ni sawal la gile d’a Asaf mi hlat mi hat mi ma ngolâ hi suma hle sawalina.

1 Amuleina 8:16

Dedei d’a an buzugï Israel-lâ sum mana woi yam ambas sa Ezipte-d’a, an man nga azì ma ngol tu aduk andjafâ hi Israel-lîna á min gong nga simiyên mba mi yi kuad’a d’i. Wani an manang ang David á tamula yam man suma Israel-lâ.

Ndumba 7:89

Ata yima Moise mi kal kur zlub’u d’a ngaf tad’a á de zlad’a ki Ma didinina, mi hum del la nga d’i dum zlad’a ei akulo yam yima we hohou suma ma nga tinda yam zandu’â hAlonina aduk tcherebêna mbà, ti dum zlad’a mi.

Ndumba 6:27

Ni hina ba, azi mba yan ki simiyên yam Israel-lâ; an mba ni b’e vunan kazi mi.

Buzuk ka Abud’a 23:21

Agi gologi tagi djivi avoromu, agi humum vunamu, agi som vunam mbi, kayam mam mba mi vat hurum mbei yam tcho magid’a d’i. Kayam mam le sunda ni ki simiyên anu.

Buzuk ka Abud’a 20:24

Agi minin yima ngal ahle suma ngat buzuna kandagad’a. Agi mba han ahle suma ngat buzu suma ngala kahle suma ngat buzu suma zlap darigïd’a ki d’uwar magi ma gureina ki ma nglona kamu. Ata yima lara ma human mba d’i gan yam simiyêna, an mba ni mba gevegiya, an mba ni b’e vunan kagi mi.

Josue 9:17

Israel-lâ a iya. Kur bur ma hindina a mbaza kur azì mazi ma nglona, nala, Gabawon ki Kefira ki Bërot ki Kiriyat-Jarim.

1 Samuel 6:21

Azi ge sunda ata suma Kiriyat-Jarim-ma, a dazi ala: Suma Filistê-na a hulongî wa zandu’â hi Ma didinina; agi mbeï hlum im sä avo hatagi mbeî.