1 Samuel 7:2 - Bible azumeina

² Bugol la a tin zandu’â hi Ma didinina avo Kiriyat-Jarim-mba, mi kak kua bizad’a ablaud’a, mi le bizad’a ni dok mbà. Suma pet a nga tchi kuruzi krovo á hulong gen Ma didina.

1 Samuel 7:2 Referans Kwoze

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

Jeremi 31:9

Azi mba mba ki tchina. An mba ni b’lengêzi huruziya, an mba ni i ki sed’ezi avun toliyon nda mbina ki lovot ta papana d’a azi mba puk kä kua d’uo d’a. Kayam an ni Israel Abumu, Efraim ni goron ma ngolâ mi.

Jeremi 3:13

Mi de kua ala: Vama djivina ar agi wagi tcho magid’a, ar agi wagi ala agi sogi vunan an Ma didina Alo magina, agi walagi woi ki sed’enu, agi i zlabagi kalo ma dingâ ad’u agu ma angus ma lara, agi humun nga vunan ndi.

Suma ka sariyad’a 2:4

Kid’a malaikana hi Ma didinina mi de zla ndata mi Israel-lâ peta, a nde tchina ki delezi akulo.

Josue 9:17

Israel-lâ a iya. Kur bur ma hindina a mbaza kur azì mazi ma nglona, nala, Gabawon ki Kefira ki Bërot ki Kiriyat-Jarim.

1 Samuel 7:1

Kayam ndata, suma Kiriyat-Jarim-ma a mba a hlum a i ki sed’em avo hi Abinadap akulo yam yima ndingâ. Azi tin Elazar Abinadap goroma iram vam á ngom zandu’â hi Ma didinina.

1 Samuel 7:3

Samuel mi de mi Israel-lâ ala: Le agi hulongôgï gen Ma didina ni ki hurugi tu ni, agi aragi bei kud’or alo d’a a yat ala Astarte-d’a kalo ma dingâ pet teyo. Agi zlabagi ki Ma didina, agi kud’uromî mam tu go. Hina wani, mam mba mi sud’ugi woi abo Filistê-na.

1 Sunda Hamuleinid’a 13:3

Ei hulongeî zandu’â hAlo meinina gevei go, kayam kur atchogoid’a hi Saul-la ei tini nga irei kam mbi.

Jeremi 26:20

Kur atchogoi ndata, ma djok vuna hi Ma didinina mi nga, a yum ala Uriya ni Semaya goroma, ni ma Kiriyat-Jarim-ma. Nga mi djok vun ma tchona yam azì ma ngol máma yam ambas ndata dedege d’igi zla d’a Jeremi nga mi data na mi.

1 Sunda Hamuleinid’a 13:5

David mi tok Israel-lâ pet, tinï ad’ud’a avun toliyon nda Ezipte-d’a dei gak mba avun agrek ma Hamat-na á hleï zandu’â hAlonina Kiriyat-Jarim á hulongôm avo.