1 Samuel 30:23 - Bible azumeina

²³ Wani David mi dazi ala: B’oziyona, agi lagi hina ki vama Ma didina mi heizina d’i, kayam mi ngomei mi hei azigar suma a mba tei durîna aboya.

1 Samuel 30:23 Referans Kwoze

Gat ta a hat á mbàd’id’a 8:18

Agi djib’eregi yam Ma didina Alo magina. Ni mam ba mba mi hagi ad’enga á fahle suma ndjondjoî ndazina á ndak vun ahle ndazina d’igi mam lazi ini na yam vun ma djin ma mam djinim kabuyogi ngolona.

Sunda hi suma a sunuzinid’a 22:1

B’oziyona kabuyonu, agi humugi ad’u zla man nda an nga ni dagi ki tchetchem wandid’a.

Sunda hi suma a sunuzinid’a 7:2

Etienne mi hulong mi dala: B’oziyona kabuyonu, agi humugiya. Alo ma subura mi nde tam ir abui ngolo Abraham kid’a mi nga Mesopotami avok ka mam bei i kak kur Haran tua d’a.

1 Samuel 2:7

Ma didina nga mi mbut sana houd’a, nga mi mbut sana ma beged’a mi; nga mi hulong sana yam kä, nga mi hle sana yam akulo mi.

Suma ka sariyad’a 19:23

Samazina mi nde woi gevezi mi dazi ala: Hawa! B’oziyona, an nga ni tchenegiya, agi lagi tchod’a d’i. Kayam sa máma mi mba navo hatanu. Agi lagi sun nda zulo d’a hina d’a d’i!

Gat ta a hat á mbàd’id’a 8:10

Fata agi tagi agi hobogid’a, agi mba lagi mersi mi Ma didina Alo magina yam ambas sa djivi d’a mi hagizid’a.

Ad’u Tinda 19:7

mi dazi ala: B’oziyona, an tchenegiya, agi lagi tcho d’a hina d’a d’i.

Habakuk 1:16

Kayam ndata, a nga ngat buzuna mabei mazina, a nga ngal dubang ma his djivid’ina mabei mazina á lum ad’umu. Kayam ni mam ba, nga mi vigizi kuluf ma djivi ma mbulâ; te mazina nga mi zul mi.

1 Samuel 30:8

David mi djop Ma didina ala: Le an dik ad’u azigar ndazina ni, an fazi zu? Ma didina mi hulong dum ala: Ang digiziya; gagazi, ang mba faziya, ang mba prud’ï suma a yozina.

1 Samuel 30:22

Suma tcho suma hawa yak suma a nga aduk suma a i ki David-na a dala: Azi i nga ki ei d’uo da ni, ei hazi ahle suma ei prud’uzïna d’i; nge nge pî ei hum amamba ki groma hol, azi i ki sed’eziya.

1 Samuel 30:24

Ni nge ba, mba mi humugi ini zla magi ndata ge? Sama mi i dur ayînina ki sama mi ar nga kä avun ahlenina, b’rau mazid’a nabo tat tu, a b’rawazi nabo tazi tu mi.

Gat ta a hat á mbàd’id’a 8:17

Agi gologi tagi djiviya! Ar agi dagi kurugi ala nad’eng magid’a ki sib’ik magid’a ba, ti fahle suma ndjondjoî ndazina d’i.