1 Samuel 26:5 - Bible azumeina

⁵ Ata yi máma David mi i ata yima Saul mi ve kang mama kuana, mi we yima Saul ki Apner Ner gorom ma ngolâ hi azigar mamina a nga bur kuana. Saul mi nga burâ aduk kangâ d’ad’ar, suma a nguyum mi.

1 Samuel 26:5 Referans Kwoze

1 Samuel 17:55

Ata yima Saul mi we David mi i á ngaf Goliyat-na, mi djop ma ngolâ hi azigar mama Apner ala: Apner, gor máma ni nge goroma ge? Apner mi hulong dum ala: Sama ngolâ, an we nga d’uo mi.

1 Samuel 17:20

Ki yorogo tcholola David mi tchola, mi ar ahok mama abo sama pol ma dingâ, mi yo ahle ndazina, mi le d’igi abum Jesse mi dum na. Ata yima mi mbaza kur kangîna, azigarâ a nga i ndjara á dur ayîna, a nga sor sor ra dur ayîna.

1 Sunda Hamuleinid’a 9:39

Ner mi vut Kis, Kis mi vut Saul, Saul mi vut Jonatan, Malkisuwa, Abinadap ki Esbäl.

2 Samuel 3:27

Kid’a a hulongî Apner avo Hebron-nda, Jowap mi vumï woi avun azina d’igi mi min dum zla d’a gumunda na. Ata yi máma mi tchogom hurum tup. Apner mi mid’a; Jowap mi tchumî yam wiyema Asayel.

1 Samuel 9:1

Kur biza ndata sama ad’u andjafâ hi Benjamin-na mi nga. Ni sama gangrangâ, a yum ala Kis, ni Abiyel goroma, Abiyel ni Seror goroma, ni Bekorat gorom ngolona, Bekorat ni Afiya goroma mi.

1 Samuel 26:4

Mi sun suma d’u yina á we tetet na ni Saul mi mba wa zu?