1 Samuel 26:21 - Bible azumeina

²¹ Saul mi dala: An le tchod’a! Gorona, ang mbeya; an dok lang va d’uo d’a, kayam ang we ini ari manda zlat ngola irangû. An ni lahlena ni d’igi sama lilid’a na, an le tcho d’a ngola.

1 Samuel 26:21 Referans Kwoze

1 Samuel 24:17

Ata yima David vunam dap zla d’a ded’a mi Saul dapma, Saul mi dala: Gorona David, gagazi ni deleng zu? Saul mi nde tchina ki delem akulo.

1 Samuel 15:24

Saul mi de mi Samuel ala: An le tchod’a, an tchila yam vun ma hed’a hi Ma didinina ki gat manga, kayam an le mandara azigarâ, an hum zla mazid’a.

Buzuk ka Abud’a 9:27

Faron mi yï Moise azi ki Aron, mi dazi ala: Ki tchetchem mba wanda, an le tchod’a! Ma didina ni ma d’ingêrâ; an ki sum mana, ami lami tchod’a!

Matiye 27:4

Mi dazi ala: An le tchod’a, kayam an he sama d’ingêrâ á tchid’a. Wani azi dum ala: Ndolomi d’ei? Ni zla manga.

1 Samuel 15:30

Saul mi de kua ala: An le tchod’a. Wani an nga ni tchenengû, ang han ngola avok suma nglona hi azigar manina ki Israel-lâ; ang mbei i ki sed’enu, kayam an i kud’or Ma didina Alo mangâ.

Sawal la giled’a 116:15

Ma didina hurum nga mi hat yam matna hi suma a hum gagazinina heî.

Sawal la giled’a 49:8

Sana mi ndak á wurak Alona yam ndrama á sud’um mbi, mam tam mi ndak á wurak yam tam mbuo mi.

1 Samuel 27:4

A mba de mi Saul ala David mi ring wa Gat; kayam ndata, Saul mi aram bei hala.

1 Samuel 26:24

D’igi ari manga zlat ngola iran na, Ma didina mba mi we ari manda zlat ngola iram hina mi, mba mi pad’an ndei kur ndak ka lara ge pet mi.

1 Samuel 18:30

Ata yi ma amulei suma Filistê-na a nga buzuk abagei á dur ayîna ki Israel-lîna, David nga mi tchi suma ngola kal ndrom azungeîna hi Saul-lâ pet; kayam ndata simiyêm nde yïna ngola.

Ndumba 22:34

Baläm mi de mi malaikana hi Ma didinina ala: An le tchod’a! Kayam an we nga d’ala ang nga tchola avoron kur lovota d’a d’i. Ki tchetchemba, le i manda lang nga tang djivi d’uo ni, an hulong avo.

1 Samuel 26:22

David mi hulong dum ala: Amulâ, ang gol asap manga wana. Ar sa mang tu mi mbei mi vattcha.

Sawal la giled’a 72:14

Mam mba mi prud’uzi woi abo suma a nga djobozi vunazina, ki suma a nga lazi murud’umbina, kayam azi ni vama kal teglesâ iramu.

1 Samuel 13:13

Samuel mi dum ala: Ang le ni sun nda lilid’a; ang ngom nga vun ma he ma Ma didina Alo mangâ hangzina d’i. Le ang ngomom á djïya ni, Ma didina mba mi he lovota mandjavang á te yam Israel-lâ didin.

2 Amuleina 1:13

Á hindid’a amulâ Ahaziya mi sun ma ngol ma ding ma azigarâ abom dok vahlâ ki mam suma dok vahlâ. A djak akulo yam ahinad’a. Ata yima a mbaza go ki Elie-na, ma ngol máma mi tchuk guguvam kä avok Elie, mi tchenem ki hud’a ala: Ma djok vun Alona, ang tchan ki man suma dok vahlâ d’i; ami ni d’igi azungeî mangâ na.

2 Amuleina 1:14

An we akud’a ti tcholï akulo, ti ngal azigar suma nglo suma mbà suma a mba avo’â woi kades mazi ma dok vahl dok vahlâ mi. Kayam ndata, an nga ni tcheneng ki hud’a, ang tchan ndi.