1 Samuel 25:31 - Bible azumeina

³¹ ar ang mbut hurung ngoze djib’er djib’er ra tchod’a á tchi sana hawa d’ar tala ang tang mbut tang d’ingêr ruo d’a d’i. Ma kal teglesâ, fata Ma didina mi hang wa djivid’a ni, ang djib’er yam an wei manga.

1 Samuel 25:31 Referans Kwoze

Ad’u Tinda 40:14

Fata ang fe wa djivid’a ni, ang djib’er kanu, djivid’a ang ge hum Faron, mi gan ndei akulo kur dangeina.

Romê-na 12:19

Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Romê-na 14:21

Djivid’a ang te hliuna d’i, ang tche süma d’i, ang noî ahlena pet suma á puk wiyengâ kä kur tchod’ina woyo.

Wana ni Zla d’a Djivi d’a Luc mi b’irita 23:42

Mi de mi Jesus ala: Ata yima ang mbeï kamul mangina, ang djib’er kanu.

Sawal la giled’a 94:1

Ma didina, angî Alo ma hlatchugula, angî Alo ma hlatchugula, ar ang tak subur manga woyo.

2 Samuel 22:48

Angî ma san atchuguluna, angî ma hulong andjaf suma yazi kä ad’una.

1 Samuel 26:23

Ar Ma didina mi wurak nge nge pî yam d’ingêr mamba ki d’engzeng mamba, kayam Ma didina mi hang ini abonu. Wani an min tin abon atang ang ma Ma didina mi tining amulina d’i.

1 Samuel 25:40

Azungeîna hi David-na a mbaza avo hi Abigayel avo Karmel, a dat ala: David mi sunumï gevek ala mam min vak atchad’a.

1 Samuel 25:33

An lak mersi yam djib’er mak ka djivi d’a ndak d’elen á tchi matna tala ni mbut tan d’ingêru d’a.

1 Samuel 24:15

Ni nge ba, ang amul ma Israel-lâ i atam á durâ ge? Adi ma matna d’oze b’ab’a’â zu?

1 Samuel 25:30

Fata Ma didina mi ndak vun djivid’a mi hlang vunam kata, mi tining wa amula yam Israel-lâ mi ni,