1 Samuel 25:10 - Bible azumeina

¹⁰ Nabal mi hulong de mazungeîna hi David-na ala: David ni nge? Jesse goroma ni nge? Ki tchetchemba, azungeîna ablaud’a a nga ring a ar suliyozina woyo.

1 Samuel 25:10 Referans Kwoze

Suma ka sariyad’a 9:28

Gal Ebet goroma mi dazi ala: Abimelek ni nge ko ba, ei suma Sikem-ma lum sunda ge? Mam mi Jerubäl goroma d’uo zu? Zebul ni mam ma te yamba d’uo zu? Agi lagi sunda ni mi Hamor Sikem abumu! Ni kayam me ba, ei lei sunda mi Abimelek ke?

Isai 32:7

Sunda hi suma mbut irid’a ni sun nda tchod’a, a nga nga huruzi á le tchod’a á ba suma hohoud’a woi ki zla d’a kad’a. Sama houd’a zla mamba ti le ni ki djivid’a ko, a b’lagat teyo.

Isai 32:5

A mba he ngola mi suma lilid’a d’i, d’oze a mba yi suma mbut ira ala ni suma djivina d’uo mi.

Ma tchi wala 7:10

Ar ang djop ala: Ni nana ba, bur ma adjeuna mi kal ma inina ki djivid’a ge d’i, kayam djop pa hina d’a nga ni djop pa ned’a d’i.

1 Amuleina 12:16

Ata yima Israel-lâ pet a wala amulâ mi min nga zla mazid’a d’uo na, a dum ala: Va mi ndolomi nga ki David ti. Ami nga tami djona ki Jesse gorom mbi! Agi Israel-lâ, ar nge nge pî mi hulong avo kur zlub’u mamba! A dum kua ala: Ki tchetchemba, ang David goroma, ang tamul manga! Ni hina ba, Israel-lâ a i avo hataziya.

2 Samuel 20:1

Wani sama bateina mi nga kua, a yuma ala Seba; ni Bikri ma Benjamin-na goroma. Mi bu adifa mi dala: Va mi ndolei nga ki David ti. Ei nga tei djo aduk tei ki Jesse goroma d’i. Agi Israel-lâ nge nge pî, mi hulong avo hatamu!

1 Samuel 22:2

Suma pet suma nga kur ndakina ki suma a nga ki balâ kazina d’oze suma tazi nga lazi zlezleû d’uo na, a tok gevemu; mam mbut ma ngol mazina. Suma ki sed’ema a ni go ki kikis fid’i.

1 Samuel 20:30

Ata yi máma Saul hurum zal ngola ata Jonatan, mi ngulum ala: Ang gor ma yang nga d’uo ma bei hum vun máma, an we nga d’ala angî Jesse goroma banama ni yam zulo mangâ ki ma hasungâ mi d’uo zu?

Buzuk ka Abud’a 5:2

Faron mi hulong dazi ala: Ma didina ni nge ba, an humum vunam ba, an ar Israel-lâ á id’a ge? An we nga Ma didina d’i, an nga ni ar Israel-lâ á id’a d’uo mi.

1 Samuel 25:9

Kid’a azungeîna hi David-na a mbazid’a, a de zlad’a mi Nabal ki simiyê David, bugola a ba.

Zla d’a d’ogolâ 15:1

Zla d’a a hulongôt ded’a ki del la djivid’id’a, ti ve vun ayîna kä, wani zla d’a de d’a tchod’a ti tcholî ayîna akulo.