1 Samuel 23:17 - Bible azumeina

¹⁷ Mi de mi David ala: Ang le mandar ri, kayam abun Saul mba mi teu atang ngi. Ang mba tamula yam Israel-lâ, an mba ni kak kang á mbàd’a; abun Saul mi we na mi.

1 Samuel 23:17 Referans Kwoze

1 Samuel 20:31

Wani le Jesse goroma nga ki iram yam andagad’a tua ni, ang mba kak ki halasa d’i, leu manga mba d’i kak djivi d’uo mi; ki tchetchemba, ang sun i halamïya, a mbeyendjïya, kayam mi ndak á tchid’a.

1 Samuel 24:20

Le sana mi fe mam ma djangûna ni, mi aram mi i yi mama ki halasa zu? Ar Ma didina mi wuragang yam vama ang lum ki sed’en ini wana!

Hebre-na 13:6

Kayam ndata, ei ndak á dei bei mandarâ ba ala: Ma didina ni ma nga ndjununa; an nga ni ring mandar ri. Sana mi lan ni me ge?

Sunda hi suma a sunuzinid’a 28:16

Kid’a ami mbami sa Rom-mba, suma te yamba a ar Paul á kak vam tu ki azigar ma ngomoma.

Isai 54:17

Ahle suma sïna pet suma a zlazi kak á durîna a mba lak va tu d’i; suma pet suma a mba tchol á kak sariyad’a ka’â, ndak mba d’i kus kaziya. Ma didina mi dala: Wana ni djo ma an Ma didina mba ni hum mi azungeî manina, wana ni d’ingêr ra an mba ni hazizid’a mi.

Romê-na 15:24

Wani an min ala fata an i yam ambas sa Espaî-d’a, an tin hurun ala an mba ni hleza kagi á kak ki sed’egi ndjö, bugol tua ba, agi mba tinin sä kua mi.

Sunda hi suma a sunuzinid’a 5:39

Wani le d’i tcholï nata Alona gagazi ni, agi ndak á b’lagat tei d’i. Ar á gologi d’igi suma dur ayîna kAlonina na d’i.

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Zla d’a d’ogolâ 19:21

Djib’er ra kur sanid’a nablaud’a, wani ni nga hurâ hi Ma didinina ba, mba mi ndagat vunad’u.

Zla d’a d’ogolâ 14:26

Sama mi le mandara Ma didinina nga mi kak ki halasa, groma a nga fe yima ngeid’a gevem mi.

1 Samuel 24:4

Mi mbaza avun kangâna hi tumiyôna ma nga go avun lovotina. Zul ahinad’a nga kua, mi kal kua á ö bageid’a. Wani David ki sum mama a nga kaka sä azud’u.

1 Samuel 24:19

Ang tagan djivi mang nga ang lat kanda ini woyo, ata yima Ma didina mi han abongâ, ang tchan nga d’i.

Sawal la giled’a 118:6

Ma didina mi nga kanu; an nga ni ring mandar ri. Suma a mba lan ni me ge?

1 Samuel 22:23

Ang kak ki sed’enu, ang le mandar ri, kayam sama halan á tchid’ina, mi halangî ang mi. Ang kak go ki sed’enu; an mba ni ngomongû.

1 Samuel 24:21

Gola! Ki tchetchemba, an we woi tetet ala ang mba tamula; leu d’a Israel-la mba d’i arî abongû.

1 Samuel 25:30

Fata Ma didina mi ndak vun djivid’a mi hlang vunam kata, mi tining wa amula yam Israel-lâ mi ni,

Isai 35:3

Agi siragi abo ma mi mbut amangeîd’ina, agi siragi guguf ma nga mi zlak kekeb’ena mi.

Isai 35:4

Agi dagi mi suma tazi tchuk lusâ ala: Agi siragi ngingring, agi lagi mandar ri. Gola! Alo magina nga mi djï á sagi atchugulugiya, á wurak magi suma djangûna yam tcho d’a azi lagizid’a mi. Mam tamba nga mi djï á sud’ugiya.