1 Samuel 23:10 - Bible azumeina

¹⁰ David mi de mi Ma didina Alona hi Israel-lîna ala: An azong mangâ ni hum ala Saul nga mi mba Keila á b’lak azì ma ngolâ woi kanu.

1 Samuel 23:10 Referans Kwoze

Zla d’a d’ogolâ 28:15

Sama asa’at ma nga mi te yam suma kid’akina, mi ni d’igi azlo ma nga mi tchina d’oze ambur urs ma nga mi hal tena abo meid’ina na.

Ester 3:6

Ata yi máma mi nga hurum á tchi Mardose, wan pî, ndagam nga d’i, kayam a dum ala: Mardose ni ma Juif-fâ. Ni kayam ndata ba, mi nga hurum á dap Mardose b’oziyom Juif suma a nga yam ambasa hamulâ Asuwerus-sina woi pet.

1 Samuel 23:8

Saul mi yi suma dur ayîna pet ala azi i Keila á ngui David ki sum mama.

1 Samuel 22:19

Saul mi tchi suma avo Nop-ma woi ki mbigeu d’a fiyaka, andjofâ karopma, gugureina ki suma kokoyôna, amuzleina, korona ki tumiyôna mi, ni kur azì ma ngol ma suma ngat buzuna hi Ma didinina a nga kuana.

Ad’u Tinda 18:24

Le suma d’ingêrâ a nga kur azì ma Sodom-ma dok vazlû ni, ang mba b’lagam mbei zu? D’oze ang vat hurung ngei kam yam suma dok vahl suma kurâ zu?

1 Samuel 23:9

David mi wala Saul mi nga hurum kam á lum tchod’a. Mi de mi Abiyatar ma ngat buzuna ala: Ang i yoï baru d’a efod’a.

1 Samuel 23:11

Na ni suma nglo suma Keila-na a mba han abom zu? Mba mi mba d’igi an azong mangâ ni hum hina zu? Ma didina Alona hi Israel-lîna, ang hulong an azong mangâ humba. Ma didina mi hulongôm humba ala: Nga mi mba.