1 Samuel 21:5 - Bible azumeina

⁵ David mi hulong de mi ma ngat buzuna ala: D’igi avok dei na, ata yima an i dur ayînina, a d’elemi á zlap karopma, ahle suma sïna hi sum manina a tinizi irazi vaziya. Le sun ndata ni sun nda tchod’a pî, mba d’i mbut yed’et yam ahle suma sïna.

1 Samuel 21:5 Referans Kwoze

Sunda hi suma a sunuzinid’a 9:15

Wani Salad’a mi dum ala: Ang iya, kayam sa máma ni sama an manam á tagan simiyên ndei avok andjaf suma dingâ kamulei mazina ki Israel-lâ mi na.

Sunda hi suma hi Levi-nid’a 24:9

Avungô máma mba mi arî mi Aron azi ki groma. Azi mba tum ata yima tu ma a tinim iram vama. Mba mi mbut ni he mazi d’a hawa d’a kal tegles sa aduk ahle suma azi ngalazi avogon an Ma didinina. Wana ni gat ta didinda.

Sunda hi suma hi Levi-nid’a 8:26

Mi hle avungô ma a lum bei angufa ma nga kur gagalaga d’a tinda kä avok Ma didinid’a tu, mi hle fangasu ma a lum bei angufina tu, mi hle woî ma a tib’egem ki mbulîna tu, ki ka’â mi, mi tchuguzi kä yam mbulâ kab’al ma ndjufâ.

1 Pierre 3:17

Djivid’a, le agi nga fagi ndaka yam sun nda djivid’a ni, ndata ni minda hAlonid’a, kal la agi fagi ndaka yam tchod’id’a.

1 Korente-na 7:5

Agi d’elegi tagi d’i, agi minigi tagi ndjö, ar agi ndjagagi vunagi á tchen Alona tua ba, agi hulong zlabagiya. Hina wani, Seitan mba mi fe lovota á kugugi d’i, kayam agi nga kad’enga á d’el hliu tagi d’i.

Buzuk ka Abud’a 19:14

Moise mi tchugï asem kä yam ahinad’a gen Israel-lâ, mi tinizi irazi vaziya, azi mbus baru mazina woi yed’et mi.

Buzuk ka Abud’a 19:15

Mi dazi ala: Agi minigi tagi gak burâ hindi, ar agi zlabagi kamiyôgina d’uo mi.

Buzuk ka Abud’a 25:30

Agi tinigi avungô ma a tinim iram vam mi ana avogon yam tabul máma burâ ki burâ.