1 Samuel 2:28 - Bible azumeina

²⁸ Aduk andjaf Israel-lâ pet, an man abung ngolo Aron á mbut man ma ngal ahle suma ngat buzuna, á he he d’a hawad’a yam yi man ma ngal ahle suma ngat buzuna, á ngal dubang ma his djivid’ina, á tchuk baru d’a efod’a avoronu. An hahle suma ngat buzuna pet Israel-lâ a nga hazina mandjavamu.

1 Samuel 2:28 Referans Kwoze

Buzuk ka Abud’a 28:1

Ma didina mi de kua ala: Moise, ang yoï wiyengâ Aron azi ki groma, Nadap, Abihu, Elazar ki Itamar woi geveng aduk Israel-lâ, kayam azi lan sun nda ngat buzuna.

Ndumba 18:19

He d’a hawa d’a a tinit irat vat ta Israel-lâ a nga handjid’a, an hangzi mi ang ki grong suma andjofâ ki grong suma aropma ki irazi fafat. Ni vun ma djin ma didin ma an djinim ki ang kandjavangâ.

Sunda hi suma hi Levi-nid’a 6:16

He d’a hawa d’a afuta hi ma ngat buzunid’a pet, a ngalat teyo; ar sa mi tat ti.

Sunda hi suma hi Levi-nid’a 2:10

He d’a hawad’a ad’ut ta ara ni yam Aron azi ki groma. He d’a hawad’a adut ta ar ndata ni vama a tinim iram vam mi an Ma didinina, kayam ni vama tcholï ata he d’a hawa d’a ngal la a hat mi an Ma didinid’ina.

Sunda hi suma hi Levi-nid’a 2:3

He d’a hawad’a ad’ut ta ara ni yam Aron azi ki groma. He d’a hawad’a ad’ut ta ar ndata ni vama a tinim iram vam mi an Ma didinina, kayam ni vama tcholï ata he d’a hawa d’a ngal la a hat mi an Ma didinid’a.

Buzuk ka Abud’a 28:4

Baru d’a azi mba tchilita ba wana: Baru d’a didi’â tu, baru d’a efod’a tu, baru d’a fiyaka tu, baru d’a krovo d’a d’udjod’a tu, kadamula tu ki talina tu mi, kayam Aron azi ki groma a lan sun nda ngat buzuna.

2 Samuel 12:7

Ata yi máma Natan mi de mi David ala: Sama lahle ndazina ni angû! Ma didina Alona hi Israel-lâ mi dala: Ni an ba ni manang tining amula yam Israel-lâ; ni an ba ni sud’ung ngei abo Saul.

Ndumba 16:5

mi de mi Kore ki sum mama ala: Ndjivin yorogo Ma didina mba mi tak sa mam ma mi tinim iram vam ma mam manama woyo, mba mi hud’umî gevem mi.

Sunda hi suma hi Levi-nid’a 7:32

Vama agi hum vama ngat buzu ma zlap darigïd’ina, agi pad’agi ab’al ma ndjufâ mi ma ngat buzuna.

Buzuk ka Abud’a 30:7

Yorogo d’a lara pî, Aron mba mi ngal dubang ma his djivid’ina ata yima mi min lalambina.

Buzuk ka Abud’a 30:8

Fladege d’a lara pî, Aron mba mi ngal dubang ma his djivid’ina ata yima mam do lalamba akud’ina. Ni hina ba, mba mi ngalan dubang ma his djivid’ina kur atchogoi d’a lara ge pet.

Sunda hi suma hi Levi-nid’a 7:36

Wana ni vama an Ma didina ni he vuna kam mi Israel-lâ á hum mi Aron azi ki groma kur bur ma a vozi mbulâ kazi á tinizi irazi vazi kur sundina; b’rau ndata arî gat ta didinda yam andjavaziya.

1 Samuel 2:18

Wani Samuel nga mi le sunda avok Ma didina, mi nga ki baru d’a ngat buzuna atamu.

1 Samuel 14:3

Ma ngat buzu ma nga ata yi mámina ni Ahiya Ahitup goroma, mi nga ki baru d’a efod’a atamu. Mam mi Fines gorom ngolona. Ni Eli ma ngat buzu ma nga avo Silo adjeuna gorom ngolo ma mbàna. Ikabot ni Ahiya abum wiyema. Wani aduk azigarâ sa we nga ala Jonatan mi iya d’i.

2 Samuel 6:14

David nga mi lü avok Ma didina kad’engêm pet ki baru d’a efo d’a luluîd’a djinda furum mi.