1 Samuel 2:1 - Bible azumeina

¹ Anne ti subur Alona, ti dala: An nga ni le furîd’a kurun yam Ma didina. An hle wa yan akulo yam djivi mamba mi lata. An ndak á san ad’u man suma djangûna. An nga ni le furîd’a, kayam Alona mi ndjununu.

1 Samuel 2:1 Referans Kwoze

Sawal la giled’a 13:5

Ar man ma djangûna mi de kan ala, mi kuzun wa d’i, ar man suma djangûna a le furîd’a yam puk manda d’uo mi.

Filip-ma 4:6

Ar djib’eregi ti b’lak yam va tu d’i, wani kur ahlena pet ar agi tagagi Alona vama agi kid’agagizina. Ar agi tchenegi Alona ki hud’a, agi lum mersi mi.

Sawal la giled’a 92:10

Ma didina, gola! Mang suma djangûna pet a mba ba woyo, suma bei d’ingêra a mba b’rau woi yayak mi.

Sawal la giled’a 89:17

Kayam simiyêngû, a nga le furîd’a burâ ki burâ, kayam d’ingêr manga a nga subur taziya.

Filip-ma 4:4

Ar agi lagi furîd’a yam Salad’a. An nga ni dagi kua: Agi lagi furîd’a.

Sawal la giled’a 20:5

Ar mi hang vama hurung minima, mi ndagang vun nga hur mangâ pet mi.

Sawal la giled’a 9:14

Ma didina, ang wan hohowonu, ang we ndak ka man suma djangûna a nga ndaganda, ang prud’un ndei abo matna,

Sawal la giled’a 35:9

An mba ni le furîd’a yam Ma didina, an mba ni le hur ma hapma yam sut mamba.

Filip-ma 3:3

Kayam ei tei ni suma ngat bayâ suma irat suma a nga kud’urei Alona yam ad’enga hi Muzuk mamid’ina. Ei nga suburi tei ni yam Jesus Christ, wani ei nga dengeî tei ni yam hliuna d’i.

Romê-na 5:11

Ni kayam ndata hol li, wani ei nga lei furîd’a zlapa kAlona, ni yam Saleina Jesus Christ ma ki tchetchemba mi zlabei darigïd’a kAlonina.

Habakuk 3:18

hina pet pî, an ni le furîd’a yam ang Ma didina, an ni le hur ma hapma yam ang Alo man ma suta.

Sawal la giled’a 118:14

Ma didina nad’eng manda, ni sawal manda bangâna mi. Mba mi sud’un ndeyo.

Sawal la giled’a 89:24

An mba ni kizak mam suma djangûna kä iramu, an mba ni to suma a noyôma mi.

Buzuk ka Abud’a 15:21

Miriyam ti hulong dazi ala: Agi hlagi sawala á gilegi Ma didina, kayam me mi tak ad’eng mam mba kal teglesa woi abua, mi tchuk akulumeina ki suliyozina kä kur alum ma ngolâ.

Buzuk ka Abud’a 15:1

Ata yi máma Moise azi ki Israel-lâ a hle sawal la wanda mi Ma didina, a dala: An mba ni hle sawala á gile Ma didina, kayam me mi tak ad’eng mam mba kal teglesa woi abua. Mi tchuk akulumeina ki suliyozina kä kur alum ma ngolâ.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

Sawal la giled’a 51:15

An mba ni hat zla manga mi suma a tchila yam gatina, suma tchona a mba hulongî gevengû.

Sawal la giled’a 18:2

Ma didina, an nga ni le kangû, angî ad’eng manda.

Habakuk 3:1

Wana ni tchenda hi ma djok vun Alona Habakuk ka yam yor tad’id’a:

Sawal la giled’a 75:10

Wani anu, an mba ni de woi burâ ki burâ yam sun mang nga ang lata, an mba ni hle sawala á gileng ang Alona hi Jakob-ma ala:

Sawal la giled’a 71:8

Hurun nga oîd’a ki furîd’a á gilengû, á suburung burâ ki burâ mi.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Wana ni Zla d’a Djivi d’a Luc mi b’irita 1:69

Mi tcholei Ma Sut ma ad’engâ adigei ad’u andjafâ hazong mama David-na

Nehemi 11:17

Mataniya ni ma Asaf gorom ngolonina. Asaf mi vut Zapdi, Zapdi mi vut Mika ma Mataniya abuma. Mataniya ni ma hle sawal la giled’a ata yima tchendina. Mi nga ki sed’ezi zlapa ki wiyema Bakbukiya ni ma mbàna ki Abada ma Jedutun gorom ngolonina. Jedutun mi vut Galal, Galal mi vut Samuwa ma Abada abuma.

Gat ta a hat á mbàd’id’a 33:17

A he ngola mi Josef! Mam mi ma ad’enga d’igi gor amuhlâ na na, ma d’igi avün ma avok dedeina na na. Mi nga kadif ma ad’engâ kam mbà, nadif ma mam mba mi tchok kandjaf suma, mba mi digizi gak mi izi avun dabid’a handagad’id’a. Adif ma tuna nablaud’a hi Efraim-mba, adif ma dingâ ni branga hi suma dudubuna hi Manase-nina mi.

Wana ni mbaktumba hi Job-pa 16:15

An tchuk baru d’a ndjondjorod’a atanu, an pe yan kä aduk andagad’a.

Sawal la giled’a 148:14

Mi hulong hle yam mam suma Israel suma go ki sed’ema akulo. Kayam ndata, mam suma d’engzeng ndazina pet a gilemu. Agi gilegi Ma didina!

1 Samuel 1:6

Wani Penina nga d’i b’lak Anne hurut teteu, kayam hurut hat yambala Ma didina b’alat gendreged’a d’a.

1 Samuel 1:7

Wani bizad’a ki bizad’a ata yima Anne nga d’i i á kud’or Ma didinina, Penina nga d’i zalat hurut hina teteu. Ata yi máma Anne nga d’i tchiya, ti min te tena d’uo mi.

2 Sunda Hamuleinid’a 20:27

Suma Juda-na ki suma Jerusalem-ma pet zlapa ki Josafat ma nga avorozina, a hulong avo Jerusalem ki furîd’a, kayam Ma didina mi lazi djivid’a, mi kus yam mazi suma djangûna mi.

Sawal la giled’a 21:2

Ma didina, amulâ nga mi le furîd’a yam ad’eng manga; kid’a ang sud’umba, mi le hur ma hapma ngola.

Sawal la giled’a 89:18

Kayam angî ad’eng mazi d’a kal papad’a. Ni yam suma manga ba, ami nga suburumi tamiya.