1 Samuel 19:17 - Bible azumeina

¹⁷ Saul mi de mi Mikal ala: Ni kayam me ba, ndak lan lemba ndak ar man ma djangûna mi sut tam ge? Mikal ti hulong de mi Saul ala: Mi dan ala: Le ndak aran an i d’uo ni, an tchagu.

1 Samuel 19:17 Referans Kwoze

2 Samuel 2:22

Apner mi de mi Asayel kua ala: Ang aranu. Ni kayam me ba, an tchang gang kä woi andaga ge? Ni nana ba, an mba ni we wiyengâ Jowap iram ge?

Galat-na 4:16

Ki tchetchemba, an mbut sama djangû magina kayamba an nga ni dagi zla d’a gagazid’id’a zu?

Matiye 2:16

Ata yima Herot mi wala suma ned’a a lobomî loba na, hurum zal ngola. Mi tchuk sunda á tchi gro andjof suma Betelehem-ma ki suma kur ambas sa nguyuta pet suma bizazi mbàmbàna ki suma bizazi ndak nga mbàmbà d’uo na woyo, ndak yam bur ma suma ned’a a dum yam tchitchiud’ina.

1 Amuleina 21:20

Elie mi i de zla ndata mi Ahap. Ahap mi dum ala: Man ma djangûna, ang fan ini zu? Elie mi dum ala: Â, an fang ini, kayam ang he tang ngei á le sun nda tchod’a avok Ma didina.

2 Samuel 17:20

Azungeîna hi Apsalom-ma a kal avo kur azì matna, a djobot ala: Ahimas azi ki Jonatan a nga ni lara ge? Atcha ndata ti hulong dazi ala: A djak wa mbina. A halaziya, a fazi nga d’i, a hulong avo Jerusalem.

1 Samuel 28:12

Kid’a atcha ndata ti we Samuel-la, ti er ad’ut akulo ki delet ta ngola, ti de mi Saul ala: Ni kayam me ba, ang mbud’un iran nge? Ni ang Saul!

1 Samuel 22:17

Amulâ mi de mi suma ngomom suma a nga tchola gevem gogona ala: Agi mbud’ugi iragi agi tchagi suma ngat buzuna hi Ma didinina woyo, kayam azi tazi a ndjun David, a wala mi ringî ringâ, azi dan nga kam mbi. Wani azungeîna hamulîna a min do abozi ata suma ngat buzuna hi Ma didinina d’i.

1 Samuel 19:14

Kid’a Saul mi sun suma á veï David-ta, ndat ti dazi ala: Mi nga tugud’eid’a.

1 Samuel 19:16

Suma sunda a hulong a mba a gol wani, Terafim-ma mi nga ged’a yam azangâ ni mamu, bak b’ëd’a nga tchuka kamu.