1 Samuel 18:14 - Bible azumeina

¹⁴ David sun mam mba nga mi lata nga d’i labom djivid’a, Ma didina mi nga ki sed’em mi.

1 Samuel 18:14 Referans Kwoze

Ad’u Tinda 39:23

Ma ngol máma nga mi djib’er yam ahle suma mi hazi abo Josef-fâ d’uo d’a. Kayam Ma didina mi nga ki Josef, ahle suma mi lazina pet nga mi faziya.

Matiye 28:20

Agi had’azi á ngom ahlena pet suma an hagi vuna kazina. Gola! An nga ki sed’egi teteu gak dabid’a hi duniyad’id’a mi.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

Josue 6:27

Ma didina mi nga ki Josue. Ni kayam ndata ba, simiyêm mi nde yina yam ambasa pet wana.

Sunda hi suma a sunuzinid’a 18:10

kayam an nga ki sed’engû. Sama ndak á vang á lang tchod’a nga d’i, kayam sum mana ablaud’a a nga kur azì ma ngol máma.

Matiye 1:23

Gola! Gor weid’a mba d’i ve wirâ, mba d’i vut gorâ, a mba yum ala Emanuel. Nala, Alona mi nga ki sed’eya.

1 Samuel 10:7

Ata yima ang mba wahle suma simat ndazina hina petna, ang le vama hurung minima, kayam ang wala gagazi, Alona mi nga ki sed’engû.

1 Samuel 18:15

Ata yima Saul mi wala sun mamba nga d’i labom djivid’a kur burâ ped’u na, nga mi lum mandaramu.

2 Amuleina 18:7

Ma didina mi nga zlapa ki sed’emu. Ahle suma mam lazina pet, mi faziya. Mi tchol huneîd’a kamul ma Asiri-na, mi ge nga yam kä ad’um mbuo d’a.

Sawal la giled’a 101:2

An mba ni kak tchugot á hum zla d’a suma d’engzengâ a data. Ni mindja ba, ang mba mba kan nge? An mba ni tit yam gagazi d’a kurunda avo huraziyanu.

Suma ka sariyad’a 1:19

Ma didina mi nga ki suma hi Juda-na. A hlazì ma yam ahinad’ina, wani a dik nga suma a nga kaka kur horina woi d’i, kayam azi nga ki pus ma kawei ma dur ayîna.

1 Samuel 3:19

Samuel mi djengâ; Ma didina mi nga ki sed’emu, mi ndak vun zla mam mba Samuel mi data pet; d’a ar bei le sundid’a nga d’i.

1 Samuel 19:8

Ayîna mi tchol tchol la dinga. David mi ndabu á dur ayîna ki Filistê-na, mi kus kaziya, mi tchazi ngola; a ring avoromu.

2 Samuel 5:10

David simiyêm nga mi yï avogovogo; Ma didina Alo ma ad’engêm kal petna mi nga ki sed’emu.

1 Sunda Hamuleinid’a 18:6

David mi min yima kaka hi azigar mama avo Siri d’a Damas-sa. Suma Siri-na a hulong yazi kä ad’umu, a hum tara. Ata yima lara ma David nga mi i kuana, Ma didina nga mi hum ad’enga á kus ayîna yam suma pet.

1 Sunda Hamuleinid’a 18:13

Mi min yima kaka hi azigar mamina kur Edom pet; suma Edom-ma pet a ge yazi kä ad’umu. Ata yima lara ma David nga mi i kuana, Ma didina nga mi hum ad’enga á kus ayîna yam suma pet.

2 Sunda Hamuleinid’a 17:3

Ma didina mi nga ki Josafat, kayam mi tit kur lovot ta d’ingêra d’igi abum ngolo David mi tit kur lovot ta d’ingêra kid’a mi tin ad’u tamulid’a na, mi djop nga alo ma a yum ala Bäl-lâ d’uo mi.