1 Samuel 17:46 - Bible azumeina

⁴⁶ Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.

1 Samuel 17:46 Referans Kwoze

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Josue 4:24

Mi le na kayambala suma yam andagad’ina pet a wala Ma didina ni ma sib’ika, kayambala agi lagi mandara Ma didina Alo magina burâ ki burâ d’a.

2 Amuleina 19:19

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

1 Amuleina 8:43

ang Ma didin ma sä akulona, ata yima ang nga kaka kuana, ang huma, ang hangei máma vama mi tcheneng kama. Hina wani, suma yam andagad’ina pet azi mba wangû, a mba hat á lang mandarang d’igi mang suma Israel-lâ a nga lang mandarang na mi. Ar azi wala azi tchenengî kur gong nga an minit wanda.

Gat ta a hat á mbàd’id’a 28:26

Mad’agi mba mi mbut ni vama ted’a haluweina kamburei suma yam andagad’ina; sama mba mi digizi woi nga d’i.

Daniel 2:47

Bugola, amulâ mi de mi Daniel ala: Gagazi, Alo mangâ nAlo ma kal alona petna, mam mi Salad’a hamuleina mi. Ni ma ndäd’u zla d’a mudurid’a woina. Kayam ndata, ang fad’enga, ang tagan ad’u zla d’a muduri ndata woi wana.

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Matiye 24:28

Ata yima harâ mi nga kuana, ata yi máma, aba’â mba mi tok kua mi.

Daniel 3:29

Wana ni vun man ma he ma an hum ki tchetchembina: Sama lara ma aduk suma d’oze ma aduk andjaf suma d’oze ma ad’u vun ma ded’a teteng ma mi de zla d’a tchod’a yam Alona hi Sadra’â yam Alona hi Mesa’â yam Alona hi Aben-Nego-nina, ar a kizagam mbeyo, ar aziyam mi mbut djona! Kayam alo ma ding ma ndak á prut sana woi d’igi Alo mazina na na nga d’i.

Isai 37:20

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

Sawal la giled’a 46:10

Nga mi d’el vun ayîna gak avun dabid’a handagad’id’a, nga mi kus yeûd’a kasapa woyo, nga mi ngal pus ma dur ayîna woi mi.

1 Samuel 17:44

mi dum kua ala: Ang mbeya! An hang ini hliwing maluweina kamburei suma abageina!

Gat ta a hat á mbàd’id’a 7:23

Ma didina Alo magina mba mi hagizi abogiya, mba mi b’rawazi woi avorogi yayak gak a mba dap peyo.

Gat ta a hat á mbàd’id’a 7:2

Fata Ma didina Alo magina mba mi hagizi abogi agi duruzi dabazi woid’a, agi djinigi vunagi ki sed’ezi á wazi hohowozi d’i.

Isai 56:9

Agi amburei suma abageina kamburei suma aduk agud’ina pet, agi mbeyegï á tagi tena.

Sawal la giled’a 31:8

Yam djivi manga, an mba ni le furîd’a ki hur ma hapma, kayam ang wan hohou manda, ang we a’alî d’a atan krovod’a mi.

Josue 10:8

Ma didina mi de mi Josue ala: Ang lazi mandarazi d’i! An hangziya wa abong da’. Sama adigazi ma mba mi tchol avorongâ nga d’i.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.

2 Samuel 18:28

Ahimas mi de mamulâ ki delem akulo ala: Zla nga d’i! Mi grif kä andaga avoromu, mi dum ala: Mersi mi Ma didina Alo mangâ, kayam mi hang ini suma a tchol djangûna ki sed’eng ang amul manina abongû.

2 Samuel 21:10

Rispa Aya goromba ti yo saka, ti barat kä yam ahinad’a á bur kad’u, tinï ad’ud’a ata yima dut awuna dei gak alona mi tchuk sinam kä, ti nga d’i dik aluweina woi faleya, ti nga d’i dik ambureina woi andjege mi, kayam a tazi d’i.

1 Amuleina 8:60

Hina wani, suma yam andagad’ina pet a mba wala Ma didina tu nAlona; ma ding ma d’igi mam na na nga d’i.

2 Amuleina 5:15

Ata yi máma mi hulongî avo hi Elise zlapa ki suma ki sed’ema pet, mi mba mi tchol avok ma djok vuna Elise, mi dum ala: Salana, ki tchetchemba, an we yam andagad’a pet alo ma ding ma d’igi Alona hi Israel-lîna na na nga d’i. Ang ve he d’a hawa d’a nde d’a an mbangzi wanda.

Jeremi 34:20

abo mazi suma djangûna, abo suma a halazi á tchid’ina. Mad’azi mba mi mbut ni tena haluwei suma akulona kamburei suma yam andagad’ina mi.

Ad’u Tinda 40:19

Ar burâ hindi, Faron mba mi ngad’ang yang ngeyo, mba mi gabang akulo ata aguna, aluweina a mba tangû.

Jeremi 19:7

An mba ni b’lak d’alâ hi suma Juda-na ki d’alâ hi suma Jerusalem-ma woi ata yi máma, an mba ni zud’uzi abo mazi suma djangûna, a mba tchazi avun ayîna, an mba ni hazi abo suma a halazi á tchid’ina, an mba ni hazi mad’azi maluwei suma akulona kamburei suma yam andagad’ina á ted’a mi.