1 Samuel 15:6 - Bible azumeina

⁶ Bugola, mi de mi suma Ken-na ala: Agi kagagi aduk suma Amale’â d’i; agi walagi woi ki sed’eziya; an min tchagi zlapa ki azi d’i, kayam agi lagi djivid’a mi Israel-lâ kid’a azi buzugï woi Ezipte-d’a. Suma Ken-na a wal lei ki suma Amale’â.

1 Samuel 15:6 Referans Kwoze

Suma ka sariyad’a 1:16

Suma Ken suma ad’u andjafâ hi Moise akunomina, zlapa ki suma Juda-na, a tcholï Jeriko ma azì ma ngol ma amulongeîna nga kuana hur fulâ hi Juda-na abo ma sutna hi Arat-na, a i a kak aduk suma a nga kaka ata yi mámina.

Suma ka sariyad’a 4:11

Heber ma ad’u andjafâ hi Ken ma wal tam mbei kandjafâ hi Ken ma dingîna, azi nandjafâ hi Hobap ma Moise atanamina, mi ve zlub’u mamba kur yi máma gak mbaza ad’u sen ma Sänanim ma go ki Kedes-sâ.

Buzuk ka Abud’a 18:19

Ki tchetchemba, ang huma! An nga ni dang d’alâ, ar Alona mi kak ki sed’engû! Ang ka’î ma djok vuna hi sumina avok Alona, ang tang i ki zla mazid’a avoromu.

1 Samuel 27:10

Akis mi djobom ala: Ang durï ayîna ini ni lara ge? David mi hulong dum ala: Abo ma sutna hi Juda-na, abo ma sutna hi Jeramel-lâ kabo ma sutna hi Ken-na mi.

Suma ka sariyad’a 5:24

Agi b’agi vuna yam Jayel aduk aropma pet. Agi b’agi vuna yam Jayel atchad’a hi Heber ma ad’u andjafâ hi Ken-na. Agi b’agi vuna kat aduk arop suma a nga kaka kur zlub’ud’ina.

Vama ndum mbeina 18:14

Suma mbut abozi suma kuruma a nga dum ala: Ahlena pet suma ang minizi heîna a ba wa atangû, ndjondjoîd’a ki subur manga a ba wa woi mi, ang dok fazi d’uo d’a.

2 Timote 1:16

Salad’a mi we hohowa suma avo hi Onesifor-râ, kayam mi b’lengên hurun yam ablaud’a, mi le nga zulona yam dangei mana d’i.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Sunda hi suma a sunuzinid’a 2:40

Ata yi máma, Pierre mi dazi zlad’a teteng ngola, mi lazi glangâsâ, nga mi gigid’ezi ala: Sud’ugi tagi woi aduk suma tcho suma kur atchogoi d’a wandina.

Zla d’a d’ogolâ 9:6

Agi noyôgi bei wad’ud’a woyo. Hina wani, agi mba kagagi karid’a. Ar agi tid’igi kur lovot ta wad’ud’a.

1 Sunda Hamuleinid’a 2:55

suma ndum mbaktum suma a nga kaka Jabes-sâ, suma Tirat-na, suma Simat-na ki suma Sukat-na mi. Azi ni suma Ken suma a tcholï ata Hamat ma mi gäd’u azì ma Rekap-mina.

Ndumba 16:34

Israel-lâ pet suma a nga tchola gevezina, a nde ringâ abo tchi mazina, a dala: Ar andagad’a ti ligi d’uo!

Ad’u Tinda 18:25

Ang nga ki djib’er ra hina d’a á tchi suma d’ingêrâ zlapa ki suma tchona d’i? D’oze suma d’ingêrâ a ndak á mbut suma tchona d’uo hina d’uo zu? Ang Ma ka sariyad’a yam suma petna, mbeî ang mba ka sariyad’a ndak á le vama d’ingêrâ d’uo zu?

1 Samuel 15:5

Saul mi i ki sed’ezi avo Amalek; azi ngei tazi kä kur toliyon nda sod’a.

1 Samuel 30:29

mi suma Rakal-lâ, mi suma kur azì ma Jeramel-lâ, mi suma kur azì ma Ken-na,

Ad’u Tinda 15:19

nala, ambasa hi suma Ken-na, hi suma Kenis-sâ, hi suma Katmon-na,