1 Samuel 15:29 - Bible azumeina

²⁹ Ma didin ma subura hi Israel-lîna nga mi ka zlad’a d’i, nga mi djok djib’er mamba d’igi sana na d’uo mi.

1 Samuel 15:29 Referans Kwoze

Ezekiyel 24:14

An Ma didina le ni de va, va máma mba mi mba. An mba ni lumu, an mba ni hulong bugol li, an mba ni wak hohowok koze ni mbut hurun ndi. A mba kak sariyad’a kak yam tit maka, yam sun mak ka led’a mi. An Salad’a Ma didina ni de na.

Ndumba 23:19

Alona mi nga ni sana á ka zlad’a d’i, mi nga ni sana á mbut djib’er mamba kä d’uo mi. Vama mi duma, mba mi lum mbuo zu? Vama mi de kama, mba mi ndagam vunam mbuo zu?

Wana ni mbaktum mba Paul mi b’irit mi Tit-ta 1:2

kayam azi tin huruzi yam ari d’a didin nda Alo ma bei ka zlad’a mi hle vunam kat avok dei bei ad’u tinda hatchogoid’id’a.

Hebre-na 6:18

Ahle suma mbà suma bei mbut ndazina a nga, Alona mi ndak á ka zla kazi d’uo mi. Ei suma ngeyei tei atama, ei nga vei tei ad’enga á vei vama ei tini huri kam ma sä tinda avorei akulona.

2 Timote 2:13

Le ei ni suma bei d’engzenga ni, mam mi Ma d’engzengâ; mi ndak á tin vunam yam tam mbi.

Sawal la giled’a 95:11

Ni na ba, kur hur man ma zala an gun tan ala: Azi mba kal kur ambas sa an nga hazizi á tuk tazi kuad’a d’i.

2 Korente-na 12:9

Wani mi hulong dan ala: Suma manda ti ndagangû, kayam ata yima ad’engêng nga d’uo na, ad’eng manda ti ndak memet. Kayam ndata, an nga ki furî d’a ngola á subur tan yam amangeî manda, kayam ad’enga hi Christ-sa ti kak kanu.

Joel 3:16

Ma didina nga mi oî kur Siyon, nga mi breî ki delem akulo kur Jerusalem. Akulod’a kandagad’a a nga zlaga. Wani Ma didina nga mi ngom sum máma, mam mi yima ngeid’a hi Israel-lîna.

Isai 45:24

A mba de kan ala: Nata Ma didina tu ba, ang fe d’ingêra kad’enga. Suma pet suma a mba dur ayîna ki sed’ena a mba mbeï geven ki zulona.

Sawal la giled’a 68:35

Agi dagi woi yam ad’enga hAlonid’a. Ngol mamba nga yam Israel-lâ, ad’eng mamba nga akulo hur d’ugula mi.

Sawal la giled’a 29:11

Ma didina nga mi had’enga mi sum mama; Ma didina nga mi b’e vunam yam sum mama ki b’leng nga halasa.

Filip-ma 4:13

An ndak á lahlena pet yam ad’eng nga Christ mi handjid’a.

Gat ta a hat á mbàd’id’a 33:27

Alo ma ei adjeu dedeina ni yi mang ma ngeid’a; abom ma sib’ika, mi nga ki sed’eng ka hî yam andagad’a teteu; nga mi dik mang suma djangûna woi avorongû, nga mi he vuna ala: Ang dabazi woyo!

1 Sunda Hamuleinid’a 29:11

Ma didina, ngola, sib’ika, subura, wiled’a ki yam mba ted’a ni mangâ! Gagazi, akulod’a kandagad’a pet azi ni mangâ, kayam angî ma te yamba, angî ma akulo yam ahlena petna.

Hebre-na 7:21

Wani suma hi Levi-na a mbut suma ngat buzuna bei gun tad’a. Wani Jesus mi mbut ma ngat buzuna ni yam gun tad’a ata yima Alona mi de woi kam ala: An Ma didina ni gun tanu, nga ni djok vunan ndi: Ang mba mbut ma ngat buzuna gak didina.