1 Samuel 15:13 - Bible azumeina

¹³ Kid’a Samuel mi mbaza gevemba, Saul mi dum ala: Ar Ma didina mi b’e vunam kangû; an le wa vama Ma didina mi han vuna kama.

1 Samuel 15:13 Referans Kwoze

Wana ni mbaktum mba a b’irit yam Rut-ta 3:10

Bowas mi dat ala: Goronda, ar Ma didina mi b’e vunam kagu. Ndak tak djivi maka woi ngola, kal la ndak lat avoka, kayam ndak hal nga azungeî suma ndjondjoîna d’oze suma houd’a d’uo mi.

Suma ka sariyad’a 17:2

Bur tu mi de masum ala: Bege mak ka hap pa kikisa dogo tu d’a yam suma a hlat ta ndak yahlena kat ta an hum ki humanda, gola, bege ndata ti nga avo hatanu. Ni an ba ni hlad’u. Asum mbi dala: Ma didina, ang b’e vunang yam gorona ni b’e ge!

Wana ni Zla d’a Djivi d’a Luc mi b’irita 18:11

Fariziyê máma mi tchol tchen hina yam tamba ala: Alona, an lang mersi kayam an nga d’igi suma hiu suma kula d’oze suma bei d’ingêrâ d’oze suma mizeuna na d’i, d’igi ma ve lombod’a ma wana na d’uo mi.

Wana ni Zla d’a Djivi d’a Luc mi b’irita 17:10

Agi mi, le agi lagi ahlena pet suma an hagi vuna kazina ni, agi dagi ala: Ami nazungeîna hawa, ami lami ni vama ndak kami á led’ina hol.

Zla d’a d’ogolâ 31:31

Ar suma a wuragat yam sun mata, ar suma a suburut ata yima a nga tok kuana yam sun mat ta ti lata mi.

Zla d’a d’ogolâ 30:13

Suma dingâ a nga, ni suma yam mba ad’enga, a nga gol suma ki irazi sod’a woi ngrazang.

Zla d’a d’ogolâ 28:13

Sama mi ngei yam tcho mamba kä na, nga mi fe djivid’a d’i, wani sama mi de tcho mamba woi mi arat tei mi na, a mba wum hohowomu.

1 Samuel 15:11

An mbut hurun hata kayamba an man Saul ni tinim amulid’a, kayam mam wal lei ki sed’enu, nga mi tit yam vun man ma hed’a d’i. Samuel hurum hat ngola; kur andjege ndata mi tchi avok Ma didina ngola.

1 Samuel 15:9

Wani Saul ki azigar mama a ar Agak bei tchid’a kahlena pet suma djivina aduk d’uwarâ, nala, amuzleina, tumiyôna kahok suma gangrangâ, gro tumiyôna kahlena pet suma djivina; azi b’la’î ahle suma tcho suma zlazi nga d’uo na woi hol.

Ad’u Tinda 14:19

Mi b’e vunam yam Abram, mi dala: Alo ma sä akulo ma kal tegles ma lakulod’a kandagad’ina, mi b’e vunam kangû.

Ad’u Tinda 3:12

Sa máma mi hulong dum ala: Natcha d’a ang handji gevenda ba, ti han vud’agu máma, an tumu.

Zla d’a d’ogolâ 27:2

Ar suma dingâ a suburungî aziya, ar ang subur tang yam tang ngi. Ar sama ding mi suburungî mamu, nga ni ang ba, subur tang go d’i.

1 Samuel 13:10

Ata yima abom dap he he d’a hawad’ina, Samuel mi mba; Saul mi d’ugulom á gum depa.

1 Samuel 15:20

Saul mi hulong de mi Samuel ala: An le sunda yam vun ma he ma Ma didina handjina gagazi, an tit kur lovot ta mam tagandjid’a, an tchi suma Amale’â woi pet, an arî amul mazina Agak hol, an mba ki sed’em ka hî.

1 Samuel 25:14

Azongâ hi Nabal-lâ tu, mi mba, mi de zla ndata mi Abigayel atchad’a hi Nabal-la ala: Gola! David mi sunï suma abagei hur fulâ dei á ge saleina depa, wani mi dazi zla d’a tchod’a, mi digiziya.

2 Samuel 2:5

David mi tchuk suma gen Jabes suma Galät-na á dazi ala: Ma didina mi b’e vunam kagiya, kayam agi lagi sun nda djivid’a ki salagina Saul heî, agi tozomu.

1 Samuel 23:21

Saul mi dazi ala: Alona mi b’e vunam kagiya, kayam agi wan hohowonu!