1 Samuel 12:24 - Bible azumeina

²⁴ Agi djib’eregi yam ad’enga hi Ma didinid’a, agi lum sunda ki gagazid’a ki hurugi pet, agi djib’eregi yam ahle suma nglo suma atchapma pet suma mam lazi kagina mi.

1 Samuel 12:24 Referans Kwoze

Gat ta a hat á mbàd’id’a 10:21

Mam mi subur magid’a, mam nAlo magina. Ni ma mi le sun nda nglod’a kahle suma ndandalâ adigagi d’igi agi wagizi ki iragi na mi.

Isai 5:12

A nga bu ading ma nglona kading ma gureina ki daliyâd’a ki taulâd’a, a nga tche süm ma guguzlu d’a ayîna kur lü mazina. Wani a nga djib’er yam sun nda Ma didina mi lata d’i, a nga gol sun nda mam lat kabomba d’uo mi.

Zla d’a d’ogolâ 1:7

Le mandara Ma didina nad’u tinda hi wad’ud’id’a. Suma lilid’a a nga gol ned’a ki hata is.

Hebre-na 12:29

kayam Alo meina naku d’a nga d’i ngal ahlena woid’a.

Sawal la giled’a 111:10

Le mandara Ma didina nad’u tinda hi ned’id’a. Suma pet suma a nga le hina na ni suma a nga ki djib’er ra djivid’ina. Ar suma a gilem gak didin!

Ma tchi wala 12:13

Zlad’a hi suma ned’id’a ni d’igi kawei ma vunam feta ma a hat kamuzleinina na, ni d’igi ponde ma a b’alam kä ad’enga ngingina na. Zla ndata ni zla d’a ti ndeï avun Ma pol ma tunid’a.

Buzuk ka Abud’a 12:13

Buzu máma mba mi mbut ni vama taka avun gong nga agi nga kuad’a. Ata yima an mba ni tchi Ezipte-nina, an mba ni we buzuna, an mba ni kal kagiya. Hina wani, ndak ka tcho d’a tchi matna mba d’i fagi d’i.

Romê-na 12:1

B’oziyona, d’igi Alona mi tagei we hohou mamba na, an nga ni tchenegiya, agi hagi tagi mAlona d’igi vama ngat buzu ma ari ma agi tinim iram vam á lAlona tam djivid’ina na. Wana ni kud’or magi d’a gagazid’a avok Alona.

Sawal la giled’a 119:80

Ar an kak d’ingêr á tit yam gat manga, kayam an mbut zulona avorong ngi.

Wana ni mbaktumba hi Job-pa 28:28

Bugola, mi de mi sana ala: Gagazi, le mandara Ma didina ni ned’a, wal tang ngei dei ki tchod’a ni wad’ud’a mi.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Josue 24:14

Josue mi de kua ala: Ki tchetchemba, agi lagi mandara Ma didina, agi lum sunda ki hur ma tuna, agi kagagi ni suma d’engzengâ avoromu, agi tchugugi alo ma abuyogi ngolo a kud’uromï sä abo aluma abo hî na d’oze alo ma Ezipte-na woyo, agi lagi ni sunda mi Ma didina.

Gat ta a hat á mbàd’id’a 29:1

Wana ni vun ma djin ma Ma didina mi he vuna mi Moise ala mi djinim ki Israel-lâ yam ambas sa Mowap-pa na. Vun ma djin máma mi nga abo tam tu ki ma mi djinim ki sed’ezi adjeu yam ahina d’a Horep-pina d’i.

Gat ta a hat á mbàd’id’a 29:2

Moise mi yi Israel-lâ ki zla tazi pet, mi dazi ala: Agi tagi wagi ahle suma Ma didina mi lazi yam ambas sa Ezipte-d’a ki Faron ki sum mama kur ambas mamba petna ki iragiya.

2 Amuleina 17:39

Ar agi lagi ni mandaran an Ma didina Alo magina. Hina wani, an mba ni sud’ugi woi abo magi suma djangûna pet.