1 Samuel 12:23 - Bible azumeina

²³ Wani an nga ni ve tan ad’enga ped’et á tchen Ma didina kagiya. Le d’uo ni, an le ni tchod’a avoromu. Wani an mba ni tagagi lovot ta djivi d’a d’ingêra.

1 Samuel 12:23 Referans Kwoze

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

Romê-na 1:9

Alo ma an nga ni lum sunda ki hurun petna, mi wala an de ni zla d’a gagazid’a ata yima an nga ni tchi wal Zla d’a Djivid’a yam Goromina. Mi wala an nga ni djib’er kagi kur tchen manda teteu mi.

2 Timote 1:3

An nga ni le mersi mAlo ma an nga ni lum sunda d’igi abuyon ngolo a lumzi adjeuna ki djib’er ra krovo d’a djivid’a na na. An nga ni djib’er kang kur tchen manda andjege ki faleya.

1 Tasaloni’â 3:10

Ami nga tchenemi Alona kagi andjege ki falei ki so tad’a á wagi iragi á hagi ahle suma kid’agagi yam he gagazi magid’ina mi.

1 Amuleina 8:36

ang Ma didin ma sä akulona, ang huma, ang vat hurung ngei yam tcho mazid’a, kayam azi nazungeî mangâ, ni sum mangâ mi. Kal pet, ang had’azi ni lovot ta tit ta djivid’a. Bugola, ang salona yam andaga mang nga ang hazizi djonid’a mi.

Sunda hi suma a sunuzinid’a 12:5

Azigarâ a nga ngom Pierre kur dangeina, wani suma toka a nga tchen Alona kam ki hat hurâ bei ara ba.

Sawal la giled’a 34:11

Azlona groma ahlena a nga kid’agaziya, meid’a nga d’i tchazi mi, wani suma a nga hal Ma didinina, vama djivi ma bei azi fuma nga d’i.

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

2 Sunda Hamuleinid’a 6:27

ang Ma didin ma sä akulona, ang huma, ang vat hurung ngei yam tcho mazid’a, kayam azi nazungeî mangâ, ni sum mangâ mi. Kal pet, ang had’azi ni lovot ta tit ta djivid’a. Bugola, ang salona yam andaga mang nga ang hazizi djonid’a mi.

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

Sunda hi suma a sunuzinid’a 20:20

Agi wagiya, an ar nga bei dagi ahle suma ala ni djivid’a kagiya na d’i. An had’agi avok suma pet, hur azina hur azina mi.

Ma tchi wala 12:10

An ma tchi wala ni dala: Ni hawa na, ahlena pet a ni hawa na.

Zla d’a d’ogolâ 4:11

An had’ang lovota hi ned’id’a, an tining kur lovot ta d’ingêra.

1 Korente-na 9:16

Ata yima an nga ni tchi wal Zla d’a Djivid’ina, an nga ni subur tan ndi. Ni vama a tinindji kan mbeî á led’ina. Le an nga ni lum mbuo ni, ni zla d’a hohoud’a kanu.

Buzuk ka Abud’a 32:30

Tcha ndjivinda Moise mi de mi Israel-lâ ala: Agi lagi tcho d’a ngola. Ki tchetchemba, an nga ni djak gen Ma didina. Dam mam mba mi humunu, mba mi zlup yam tcho magid’a kla.

1 Samuel 12:19

a de mi Samuel ala: Ang tchen Ma didina Alo mangâ yam ami azungeî mangâ, kayam ami bomi woi d’i; ami lami tcho d’a ngola yam ndrata kua, kayamba ami halami amulîd’a.

Jeremi 15:1

Ma didina mi dan ala: Le Moise azi ki Samuel a mba avoron á tchenen yam sum ndazina ni azi pî, tan mba d’i lan djivid’a yam sum ndazina d’i. Ang digizi sä woi dei avoronu, arazi a iya!

Jeremi 27:18

Jeremi mi de kua ala: Le azi ni suma djok vun suma gagazina, le Ma didina mi hazi zla mamba abozi gagaziya ni, ar a tchen Ma didin ma ad’engêm kal petna ka tchetchem ala ar ahle suma ar kur gong mam mba kud’orina kahle suma kur azì ma amula hamul ma Juda-na ki suma kur Jerusalem-ma, ar a yozi a i ki sed’ezi Babilon ndi.

Jeremi 42:4

Ma djok vun Alona Jeremi mi dazi ala: An huma! Gola! An nga ni tchen Ma didina Alo magina d’igi agi dagi na. An mba ni dagi woi bei ni ngeyegi zla d’a pet ta Ma didina mba mi hulongôgizi ded’id’a kä ba.

1 Samuel 8:6

Samuel tam lum nga djivi yam djop pa azi djobom ala mi tinizi amulâ d’a d’i. Samuel mi nde tchen Ma didina.

Sawal la giled’a 34:12

Grona, mbeï humun-ngiya, an mba ni had’agi á le mandara Ma didina.

Sawal la giled’a 122:6

Agi tchenegi yam halas sa Jerusalem-mba ala: Ar suma huruzi va’â a le furîd’a ki halasa,

Isai 30:21

Fata agi mba d’ezegi woi abo ma ndjufâ d’oze abo ma gulanid’a, agi mba humugi zla d’a ded’a blogogi ala: Lovota avorogi wana! Agi hlagiziya!