1 Samuel 12:2 - Bible azumeina

² Ki tchetchemba, wana namul ma mi tit avorogina: Le ni anu ni, an mbut wa mamara, abusa deî wa kan mi. Grona a mbut wa suma d’igi agi na mi. An tit avorogi kazongôn dei gak ini.

1 Samuel 12:2 Referans Kwoze

1 Samuel 8:5

a dum ala: Samuel, ang gola, ang djengî djengâ, grongâ a nga tit d’igi ang na d’i. Ki tchetchemba, ang tinimi amulâ á te kami d’igi andjaf suma dingâ a nga le na mi.

1 Samuel 8:20

d’igi andjaf suma dingâ na mi. Amul mamina mba mi kami sariyad’a, mba mi tit avoromiya, mba mi i ki sed’emi ata yima dur ayîna mi.

1 Samuel 8:1

Kid’a Samuel mi mbut mamara dad’a, mi tin groma nglod’a avok Israel-lâ.

1 Samuel 8:3

Wani groma a nga tit d’igi abuzi na d’i, a nga le d’od’ok beged’a, a nga ve he d’a hawad’a gumun abo suma á ka sariya d’a ata yat tuo d’a.

Ndumba 27:17

Ni sama mi ndak á nde avorozi á i ki sed’ezi abuna, ni ma tit avorozi á hulongôzi avona, ni ma mi buzuguzi abuna, ni ma hulongôzi avona mi. Kayambala ablau manga ti kak d’igi tumiyô suma bei salazi ma pola ba na na d’uo d’a.

2 Pierre 1:14

Kayam an wala bur ma an wal ki hliwin ma matnina mi ar go d’igi Saleina Jesus Christ mi tagan wa na.

2 Timote 4:6

Wani anu, a nga i ngad’an d’igi vama ngat buzuna na, yima man matna mi ar go.

Sawal la giled’a 71:18

Alo mana, an djeng wa mamara, yan deî wa abusa, ang aran dei d’i tala an tak ad’eng manga mi suma kur atchogoi d’a wanda, an tak sib’ik manga mi suma kur atchogoi d’a nga d’i mbad’a mi d’a.

1 Samuel 3:16

Wani Eli mi yi Samuel ala: Gorona. Samuel mi hum ala: Salana, an huma!

1 Samuel 3:13

An dum ala an mba ni ka sariyad’a yam sum mama gak didin, kayam gol la groma a golom isa. Mam nga mi wad’u, wani mam d’elezi nga d’i.

1 Samuel 2:29

Ni kayam me ba, agi nga mired’egi vama ngat buzuna ki he d’a hawa d’a an he vuna kat á handji kur gong man nda kud’orid’a ge? Eli, ni kayam me ba, ang he grongâ ngola kalan an nge? Ni kayam me ba, agi nga d’orogi tagi kahle suma djivi suma kal man suma Israel-lâ a nga mbandji á handji he d’a hawad’ina ge?

1 Samuel 2:22

Eli mi mbut mamara ngola. Ata yima mi hum ala groma a nga le tchod’a hina hina ki Israel-lâ, a nga bur karop suma a nga le sunda avun zlub’ud’a hAlonid’ina mi na,

1 Samuel 3:10

Ma didina mi mba, mi tchol gevem mi yum d’igi mi yum avoka na ala: Samuel! Samuel! Samuel mi hulong dum ala: Ang de; an azong mangâ nga ni huma!

Josue 23:1

Bugol la Ma didina mi he yima tuk tad’a mi Israel-lâ ata yima mi prud’uzi woi abo suma djangû suma a nguyuzina peta, bizad’a kal ngola. Josue mi djeng mamara kikra, bizam kal lei ablaud’a mi.

Josue 23:2

Ata yi máma Josue mi yi Israel-lâ pet ki mazi suma nglona ki suma avorozina ki mazi suma ka sariyad’a ki suma nglo suma avok azigarîna, mi dazi ala: Ki tchetchemba, an djeng wa mamara, bizan kal ngola heî mi.