1 Samuel 1:8 - Bible azumeina

⁸ Ndjuvut mi djobot ala: Anne, ni kayam me ba, ndak tchi ge? Ni kayam me ba, ndak min te tena d’uo ge? Ni kayam me ba, tak tchuk hina susub’ok ke? Na ni an kal nga gro suma dogona irak kuo zu?

1 Samuel 1:8 Referans Kwoze

Wana ni mbaktum mba a b’irit yam Rut-ta 4:15

Mam mba mi b’lengêk hurugu, mba mi ndjunuk kur mamar maka mi, kayam akunok ka hurut vak heîd’a, ti vud’uk wa gro’â, ti kal grok suma kid’iziyana.

Isai 54:6

Ma didina mba mi hulong yak d’igi atcha d’a a digit tei d’a hurut nga mi had’ata na. Alo ma’â mi dala: Atcha d’a ndjuvut mi d’umut ki gogorot deid’a, ni nana ba, mi digit tei ge?

Wana ni mbaktumba hi Job-pa 6:14

Sama nga kur ndakina, ni banama ba, mba mi wum hohowomu. Le d’uo ni, mba mi ar bei le mandara Alo ma ad’engêm kal petna.

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

Jean 20:15

Jesus mi dat ala: Atchad’a, ndak tchi nana ge? Ndak halî nge ge? Ti djib’er ala ni sama ngom asinena. Ti dum ala: Banana, ang le hlumî angû ni, ang tagan yima ang gum kuana, an i hlumu.

Jean 20:13

Azi dat ala: Atchad’a, ndak tchi nana ge? Ti dazi ala: An tchi ni kayamba azi pat Salanid’a, an we nga yima azi gum kuana d’i.

Sawal la giled’a 43:4

Hina wani, an mba ni i ata yi mang ma ngal ahle suma ngat buzuna gen ang Alo man ma furîd’a ki hur ma hapma. Ang Alo mana, an mba ni gileng kadingâ.

Isai 54:1

Ndak Jerusalem, ndak ka b’al gendreged’a bei vutid’a, ndak le furîd’a; Ndak ka vuta ti lak nga yat tu d’uo d’a, ndak er ad’uk akulo ki furîd’a, ndak tchayîd’a; kayam Ma didina nga mi dak ala: Ndak atcha d’a digik keid’a, ndak nga ki grona kal atcha d’a ndjuvut mi le kat heîd’a.

2 Amuleina 8:12

Hazayel mi dum ala: Salana, ang tchi ni kayam me ge? Elise mi hulong dum ala: An tchi ni kayam an we tcho d’a ang mba lat mi Israel-lîd’a. Ang mba ngalazi aziyazi ma ad’eng ma ngunguna woyo, ang mba tchi azungeî mazina woi avun ayîna, ang mba miret gugurei suma gurei mazina kä kasengû, ang mba b’as hur arop mazi suma wirâ woi mi!

1 Samuel 1:7

Wani bizad’a ki bizad’a ata yima Anne nga d’i i á kud’or Ma didinina, Penina nga d’i zalat hurut hina teteu. Ata yi máma Anne nga d’i tchiya, ti min te tena d’uo mi.