1 Samuel 1:11 - Bible azumeina

¹¹ Ti hlum vunat ala: Ma didin ma ad’engêm kal petna, le ang wan hohou manda gagazi, le ang djib’er kan ang maran nga d’uo, le ang han gorâ ni, an mba ni hangzi á le sun manga ki iram fafat. Wani sa mba mi welem yam mbuo mi.

1 Samuel 1:11 Referans Kwoze

Suma ka sariyad’a 13:5

kayam ndak nga d’i ve wirâ, ndak mba d’i vut gor mandjufâ, a mba tinim vel kam mbi. Kayam gor máma a mba tinim iram vam mAlona ei ni kuruk dei. Ni mam ba, mba mi tin ad’ud’a á sut Israel-lâ woi abo suma Filistê-na.

Ndumba 6:5

Ata yima mi nga kur sun ndatina, ar mi wel yam mbei ki dudumam mbuo gak bur ma mam ngam ata yima mam tin tam irat vatna mi ndak tua. Mam mba mi kak yed’et, mi ar yam ki dudumam bei wela a se.

Ma tchi wala 5:4

Ang hle vunang mAlona d’uo ni hotei, kal la ang hle vunang d’o ba, ang nga ndak vun vama ang hle vunang kama d’uo d’a.

Ad’u Tinda 29:32

Lea ti ve wirâ, ti vut gor mandjufâ, ti yum ala Ruben, kayam ti dala: Ma didina mi we las manda; ki tchetchemba, ndjuvun mba mi le kanu.

Sawal la giled’a 25:18

Ang wan hohou manda ki ndak manda, ang vat hurung ngei yam tcho manda pet.

1 Samuel 1:19

Tcha yorogod’a Elkana ki sum mama a i grif kä avok Ma didina, a hulong avo hatazi Rama. Elkana mi zlap kamamba Anne. Ma didina mi hum tchen mata.

Ad’u Tinda 30:22

Bugola, Alona mi djib’er yam Rachel, mi humud’u, mi malat lovota á vuta.

Suma ka sariyad’a 11:30

Jefte mi hle vunam mi Ma didina, mi dum ala: Le ang han ad’enga an kus yam suma Amon-na ni,

Ndumba 6:8

Ata yima mi nga kur sun Nazir ndatina, mi ka’î ma tin tam irat vat yam an Ma didinina.

Ad’u Tinda 28:20

Jakob mi hle vunam mi dala: Le Alona mi nga ki sed’enu, mi ngomon kur tit manda, mi han tena, mi han baru d’a tchuka,

2 Samuel 16:12

Dam Ma didina mba mi ngomon kur hohou manda, mba mi vrak djivid’a balum ge vun mam ma inina kanu.

Ndumba 21:2

Ata yi máma Israel-lâ a hle vunazi mi Ma didina ala: Le ang hami sum ndazina abomiya ni, ami mba b’lagazi aziyazi woi kakazeî.

Ndumba 6:11

Ma ngat buzu máma mi ngat tu vama ngat buzu ma zlup yam tchod’a, mi ngat ta hid’a vama ngat buzu ma ngala mba mi zlubum yam tcho mamba yam mat ma mi doma. Hina wani, sama mi tin tam irat vat máma, yam mba d’i mbut yed’et kur bur máma.

Buzuk ka Abud’a 4:31

Sum ndazina a he gagazid’a, a wala Ma didina mi mba wa gevezi á ndjunuziya, mi wazi wa ndak mazid’a. A tchuk guguvazi kä, a kud’uromu.

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

1 Samuel 1:10

Anne nga kur hur ma hata, nga d’i tchen Ma didina ki simina irad’u.

1 Samuel 1:12

Ata yima ti nga kur tchenda avok Ma didina tua na, Eli nga mi golot vunad’u.

1 Samuel 1:22

Wani Anne ti i nga ki ndjuvut ti, ti dum ala: An djup gak gorâ ar apona tua. Bugola, an mba ni i ki sed’em avo Silo á tagam mi Ma didina; mam mba mi ar sä hî ki iram fafat.

1 Samuel 1:27

Wana ni gor ma an tchenem aboma, mi handji wana.

1 Samuel 1:28

Kayam ndata, an hum mi Ma didina ki iram fafat; mam arî mama. Azi grif kä avok Ma didina, a kud’uromu.

1 Samuel 2:20

Eli mi b’e vunam yam Elkana azi kamamba, mi de mi Elkana ala: Ar Ma didina mi hang gro suma dingâ katcha ndata á vrak balum gor ma ndat ti humzina. Ata yi máma azi hulong avo hataziya.

Zla d’a d’ogolâ 31:2

Gorona, goron ma kuruna, goron ma an fum ki tchendina, ang huma!

Sunda hi suma hi Levi-nid’a 27:2

Ang i de mi Israel-lâ ala: Le sana mi hle vunam á he sana mi an Ma didina, le bugol mi min á sut tam yam vun ma hle máma ni, mi ndumî gusa hi sa mámid’a, mi hat mi an Ma didina, mi sut tamu.